पोखरा । लायन्स क्लब अन्तर्राष्ट्रिय डिस्ट्रिक्ट ३२५ एल नेपालको आगामी वर्षको गभर्नरमा परमेश्वर बराल निर्वाचित भएका छन् । शनिबार पोखरामा भएको डिस्ट्रिक्टको पहिलो महाधिवेशनबाट प्रथम भाइस डिस्ट्रिक्ट गभर्नरमा लायन सुमन भट्ट र द्वितीय भाइस डिस्ट्रिक्ट गभर्नरमा एकनारायण शर्मालाई निर्वाचित भएका हुन् ।

डिस्ट्रिक्टको क्याबिनेट सेक्रेटरीमा गभर्नर इलेक्ट बरालले गोपीमान श्रेष्ठ, कोषाध्यक्षमा निश्चल पोख्रेल, चिफ एड्भाइजरमा तारा भुसाल, चिफ पिआरओमा सुरेन्द्र पौडेललाई मनोनीत गरे ।

डिस्ट्रिक्ट एड्मनिस्ट्रेटरमा कृष्ण आचार्य, चिफ एओजिमा अमृत बराल र डिस्ट्रिक्ट विल्डिङ चिफमा सुधिर शर्मा मनोनीत भएका छन् । लायन्स इन्टरनेसनलका डाइरेक्टर इन्डोर्सी बालकृष्ण बुर्लाकोटीले महाधिवेशन उद्घाटन गरेका थिए ।

पोखराको नयाँ बजारबाट झाँकीसहित सुरु भएको ¥याली सभागृहमा आएर सभामा परिणत भएको थियो । वर्षभरी उत्कृष्ट कार्य गर्ने क्लब तथा पदाधिकारीहरुलाई उक्त अवसरमा सम्मान गरिएको थियो ।