पोखरा । रोटरी क्लबहरुको संयुक्त आयोजनामा पोखरा–२३, हर्पनस्थित जनसिद्ध आधारभूत विद्यालयमा निशुल्क दन्त शिविर बिहीबारदेखि सुरु भएको छ । रोटरी धुलिखेल, रोटरी हर्भे बे सनराइज अस्टे«लिया, रोटरी मध्यपुर र रोटरी लेकसाइडको संयुक्त सुरु शिविर ३ दिनसम्म चल्नेछ । शिविरको वडाध्यक्ष रामकाजी गुरुङले उद्घाटन गरेका हुन् ।
धुलिखेल अस्पताल दन्त विभागको सहयोगमा सञ्चालित शिविरको पहिलो दिन विद्यार्थी, कर्मचारी र स्थानीय गरी १ सय जनाभन्दा बढीको सहभागिता थियो ।

शिविरमा डा. प्रतीक मरहठ्ठा, डा. जितेन्द्र यादव, डा. ओशा घिमिरे, डा. लक्ष्मी पराजुली र अस्टे«लियाका डा. निक ह्वाइटले शिविरमा दाँत परीक्षण तथा दाँत निकाल्ने कार्य गरेका थिए ।

कक्षा १ देखि ८ सम्म पढाइ हुने विद्यालयमा १० जना कर्मचारी रहेको प्रअ लेखबहादुर क्षत्रीले बताए ।

सहायक प्रअ विष्णुप्रसाद पराजुली र सूचना अधिकारी दीपकराज दाहालले मानिसको बसाइँसराइले विद्यार्थी उल्लेखनीय नभएकोले कसरी बढाउने चिन्तामा रहेको बताए ।
रोटरी धुलिखेलका पूर्वअध्यक्ष अशोक श्रेष्ठले शिविरमा अस्टे«लियाका रोटरीको सहयोगले हामीलाई थप ऊर्जा मिलेको बताए । डा.मरहठ्ठाले शिविरमा उल्लेख्य सहभागिता रहेको भन्दै पहिलो दिन ५० भन्दा बढी जनाको दाँत निकालिएको बताए ।

७० वर्षको उमेरमा पहिलो पटक दाँत जाँच गर्न आएको स्थानीयवासीको शिविरमा देखिएको खुसीले डा. प्रतीकलाई पनि जीवनमा राम्रो पेसा रोजेको महसुस भएको बताए । डा. जितेन्द्र यादव पनि पोखराको शिविरमा पोखरेली, रोटरी क्लब लेकसाइडको सत्कारले खुसी मिलेको प्रतिक्रिया दिए । शिक्षिका कृष्णकुमारी पराजुलीले शिविरको आयोजकप्रति आभार व्यक्त गरिन् ।