पोखरा । पोखराको नदीपुरस्थित प्रतिभा माध्यमिक विद्यालयले अतिरिक्त क्रियाकलापअन्तर्गत विद्यार्थीहरूका लागि तालिम सम्पन्न गरेको छ । तालिममा कक्षा ४ देखि ७ सम्म अध्ययनरत विद्यार्थीहरूको सहभागिता थियो । तालिमको सहजीकरण रेडियो अन्नपूर्णका स्टेशन म्यानेजर सञ्जयकुमार मल्लले गरेका थिए ।

बोल्ने कला तालिमको समापनमा बोल्दै विद्यालयका संस्थापक प्राचार्य किरण सापकोटाले विद्यार्थीमा अन्नर्निहित प्रतिभा प्रस्फुटनका लागि यस्ता किसिमका तालिम महत्वपूर्ण हुने बताए । उनले सानै उमेरबाट राम्रो बोल्ने कलाको विकास गर्न सकियो भने विद्यार्थीहरूले भविष्यमा हरेक क्षेत्रका आफूलाई प्रमाणित गर्न सक्ने कुरामा जोड दिए ।

विद्यालयका सहप्राचार्य प्रदीप खनालले नेतृत्वका लागि बोल्ने कलाको आवश्यकता हुने हुँदा राम्रो बोल्ने कलाको विकासका लागि तालिम फलदायी हुने बताए । । विद्यालयको वार्षिक क्यालेन्डरमा नै द आर्ट अफ स्पिकिङसम्बन्धी तालिमलाई समावेश गरी कक्षा सञ्चालन गरिएको अतिरिक्त क्रियाकलाप प्रमुख प्रकाश अधिकारी जानकारी थिए ।
४ वटा सत्रमा सञ्चालन गरिएको तालिममा कक्षा ४ देखि ७ सम्मका सय विद्यार्थीको सहभागिता थियो ।