हेमजा । ११ औं संस्करणको राष्ट्रिय हेमजा आलु महोत्सव नजिकिँदा हेमजामा सरसफाइ गरिएको छ । महोत्सव आयोजक विष्णुपादुका क्लबको आयोजनामा हेमजाको तिब्बतीयन क्याम्पदेखि साझाचोक हुँदै चाक्लेकुलासम्म सरसफाइ गरिएको थियो ।

विष्णुपादुका क्लबका पदाधिकारी, हेमजाका विभिन्न संघसंस्था, आमा समूह, युवा क्लब र स्थानीय सरसफाइमा सहभागी भएको महोत्सव आयोजक समिति महासचिव वसन्तकुमार श्रेष्ठले जानकारी दिए ।

महोत्सव स्थल परिसर र आसपासका टोलहरूमा गरिँदै आएको सरसफाइ कार्यक्रमलाई आगामी दिनमा पनि निरन्तरता दिइने महोत्सव मूल आयोजक समारोह समिति संयोजक तथा विष्णुपादुका क्लबका अध्यक्ष सुबिन श्रेष्ठले बताए ।

महोत्सव चैत २६ गतेदेखि वैशाख ३ गतेसम्म विष्णुपादुका खेल मैदानमा ११ औं राष्ट्रिय हेमजा आलु महोत्सव हँुदै छ ।