पोखरा । नेपालको जनसंख्या २ करोड ९१ लाख ६४ हजार ५ सय ७८ रहेको छ । प्रधानमन्त्री पुष्पकमल दाहाल प्रचण्डले राष्ट्रिय तथ्यांक कार्यालयले १२ औं राष्ट्रिय जनगणना–२०७८ को पूर्ण विवरण शुक्रबार सार्वजनिक गरेका हुन्।

गत वर्षको माघमा सार्वजनिक प्रारम्भिक विवरणभन्दा यसपालि जनसंख्या २७ हजारले घटेको छ । त्यसबेला नेपालको जनसंख्या २ करोड ९१ लाख ९२ हजार ४ सय ८० रहेको सार्वजनिक भएको थियो । पूर्ण विवरण सार्वजनिक हुँदा जनसंख्या घटेको राष्ट्रिय तथ्यांक कार्यालयका उपप्रमुख डा. हेमराज रेग्मीले जानकारी दिए ।

अघिल्लो जनगणना २०६८ मा नेपालको जनसंख्या २ करोड ६४ लाख ९४ हजार थियो ।

गत वर्ष कात्तिक २५ देखि मंसिर ९ सम्म राष्ट्रिय जनगणना सञ्चालन गरिएको थियो ।