पोखरा। पोखरा नर्सिङ क्याम्पसमा स्ववियु सभापति र कोषाध्यक्षका उम्मेदवारको मनोनयन खारेजको माग गर्दै परेको रिटमा अदालतले अन्तरिम आदेश जारी गरेको छ ।
आगामी ५ चैतमा हुने स्ववियु चुनावका लागि अनेरास्ववियुबाट सभापतिका लागि अञ्जना अधिकारी र कोषाध्यक्षका लागि दिपीका धितालले मनोनयन दिएका थिए । सरकारी जागिरे स्ववियु चुनावको उम्मेदवार हुन नसक्ने भनी सोविरुद्ध उच्च अदालत पोखरामा परेको रिटमा अदालतले शुक्रबार अन्तरिम आदेश जारी गरेको हो । न्यायाधीश उज्ज्वल शुक्ल र ऋषि राजभण्डारीको इजलासले पनर्सिङ क्याम्पस पोखरामा स्ववियु निर्वाचन नगर्नू नगराउनू भनी विपक्षीहरुका नाउँमा अन्तरिम आदेश जारी गरेको हो ।
नेविसंघबाट सभापतिका उम्मेदवार अनुष्ठा चापागाईंले पोखरा नर्सिङ क्याम्पसअन्तर्गतको अनेरास्ववियु समेतलाई विपक्षी बनाई यसअघि उत्प्रेषण परमादेश समेतको रिट दायर गरेकी थिइन् ।
रिट निवेदकतर्फबाट अधिवक्ता रोहितराज पराजुली, फणीन्द्र कोइराला, कपिलमणि दाहाल र रामचन्द्र त्रिपाठीले बहस गरेका थिए । विपक्षी पोखरा नर्सिङ क्याम्पससमेतको तर्फबाट नारायणप्रसाद खनाल, विपक्षी अञ्जना अधिकारी समेतको तर्फबाट वरिष्ठ अधिवक्ता हरिप्रसाद सुवेदी, अधिवक्ताहरु कमलप्रसाद अर्याल, विष्णुप्रसाद अधिकारी र मदनप्रसाद अधिकारीले बहस गरेका थिए ।
निजामती सेवाका कर्मचारीको आचरणसम्बन्धी नियमावली, २०६५ ले नेपाल सरकारको कर्मचारीलाई कुनै दल वा भातृ संगठनको क्रियाकलापमा भाग लिन बन्देज लगाएको देखिएको र विपक्षीहरु नेपाल सरकारको स्थायी कर्मचारी रहेको र दलको भातृसंगठन अनेरास्ववियुतर्फबाट उम्मेदवार भएकोले उम्मेदवारी कायम हुने वा नहुने भन्ने सम्बन्धमा व्याख्याको प्रश्न उत्पन्न भई निक्र्यौल गर्नुपर्ने देखिएकोले रिट निवेदनको टुंगो नलागेसम्म अन्तरिम आदेश जारी गरिएको फैसलामा उल्लेख छ ।
हेर्नोस् अदालतको आदेश-
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१