हेमजा । सेवा निवृत्त प्राध्यापक समाज पोखराले निवृत्त भएका प्राध्यापकका समस्या बुझ्न थालेको छ ।

समाजले जीवनको उत्तरार्धमा रहेका निवृत्त प्राध्यापकहरुमा के कस्ता समस्या छन् सोको पहिचान गरी समाधानका लागि सहयोग गर्ने उद्देश्यले उनीहरुसँग भेटघाट गरेको हो ।

जसअन्र्तगत समाजको टोलीले अवकाश प्राप्त प्राडा. भूपति ढकाल, पृथ्वीनारायण क्याम्पसका संस्थापक क्याम्पस प्रमुख जोर्ज जोन, बालगोपाल अमात्य, पीताम्वर शर्मा तथा प्राडा. विजयराज शर्मालाई उनीहरुकै निवासमा पुगी मंगलबार भेट गरेको हो ।

समाजका संयोजक कृष्णप्रसाद पौडेलको नेतृत्वमा प्राडा. ज्ञानबहादुर कार्की, प्रा.पद्मशरण रेग्मी, चन्द्रकान्त रेग्मी, बाबुराम पौडेल, प्राडा. दिलबहादुर क्षत्री, गेहेन्द्रेश्वर कोइराला, कालीदास शर्मा, शेखरनाथ अधिकारी तथा डा.यमबहादुर पौडेल सम्मिलित टोलीले भेटघाट गर्दै उनीहरुको स्वास्थ्य अवस्था लगायत अन्य समस्या बुझ्न थालेको हो ।

उनीले समाज स्थापना भएकोमा खुशी व्यक्त गर्दै प्राध्यापकको निवृत्तीभरण लगायत समग्र समस्या समाधान गर्न समाज लाग्नुपर्नेमा जोड दिए ।

समाजका अध्यक्ष कृष्णप्रसाद पौडेलले संस्था निवृत्त प्राध्यापकको सुखःदुखमा साथी बन्ने स्पष्ट पार्दै समस्या समाधान गर्न रचनात्मक भूमिका खेल्ने औँल्याए ।