लेखनाथ । पोखरा २६ अर्घौंमा रहेको सनराइज क्लबले १४ औं स्थापना दिवसको अवसरमा श्रीकृष्ण प्रणामी मन्दिर वृद्ध तथा बाल आश्रमलाई सहयोग गरेको छ । क्लबले सामाजिक क्षेत्रमा गर्दै आएका कामहरुलाई निरन्तरता दिँदै सहेला पाखामा रहेको श्रीकृष्ण प्रणामी मन्दिर, वृृद्ध तथा बाल आश्रमका लागि खाद्यान्न तथा फलफूल प्रदान गरेको हो ।

आश्रमका आश्रितलाई आवश्यक खाद्यसामग्री हस्तान्त्रण गर्दै क्लबका अध्यक्ष डुलप्रसाद पुनले सामाजिक उत्तरदायित्वअन्तर्गत क्लबले रक्तदान, सरसफाइ, सडक बत्ती लगायत सचेतनामूलक कार्यक्रम गरेको स्मरण गरे ।

क्लबका पदाधिकारीसहितको टोलीले आश्रमका संरक्षक कल्याण कुमार कार्कीलाई हस्तान्तरण गरे ।

क्लबका अध्यक्ष डुलप्रसाद पुनको अध्यक्षतामा भएको कार्यक्रममा उपाध्यक्ष सूर्य न्यौपाने र निवर्तमान अध्यक्ष राजबहादुर गुरुङले सामाजिक क्षेत्रमा क्लबले गर्दै कार्यक्रमबारे जानकारी दिए ।