पोखरा ।  पोखरा-१८ भकुण्डे स्थित ध्रुव थापा लगायत ७ जना व्यक्तिले सञ्चालन गर्दै आएको तुल्सीकुञ्ज कालिज फर्ममा चितुवाले आक्रमण गर्दा २ जना घाइते भएका छन् ।

सोही फर्ममा काम गर्ने जिल्ला कास्की रुपा गाउंपालिका ४ बस्ने वर्ष २८ को श्रीकृष्ण मल्ल ठकुरीलाई चितुवाले आक्रमण गरि सामान्य घाइते बनाएकोमा स्थानीय मेडिकलमा उपचार गरिएको छ ।

उक्त फर्ममा २ वटा कालिज समेत मरेको , चितुवा फर्मवाट बाहिर निस्कने क्रममा  ३२ वर्षे राजेश तिमिल्सिनालाई समेत आक्रमण गर्दा घाइते भई उपचारको लागि मेट्रो सिटी अस्पताल लगिएको छ ।

घाइतेको अवस्था सामान्य रहेको गाला र दाहिने आंखामा सामान्य कोतारिएको वडा प्रहरी कार्यालय वैदाम प्रमुख वेद डिएसपी वेद जोशीले बताए ।

 स्थानीय मानिस, प्रहरी र बन कार्यालयको टोलीले नियन्त्रणमा लिने प्रयास भइरहेकोमा चितुवा मरेको अवस्थामा झाडीमा फेला पारि वन कार्यालयको जिम्मा लगाइएको छ ।

घटनास्थलमा वैदाम प्रहरीबाट प्रहरी बरिष्ठ नायव निरीक्षक ज्ञानबहादुर क्षेत्रीको कमाण्डमा ७ जना टोली खटी गएको थियो ।