पोखरा । स्वविय चुनाव आउन ४ दिनमात्र बाँकी छँदा पोखराका क्याम्पसमा भने अनिश्चित बनेको छ । कतिपयमा मनोनयन दर्ता हुनै सकेको छैन भने मनोनयन भएकाहरुमा पनि अनेक विवादले निर्वाचन कार्यालयमा तालाबन्दी ठोकेर कामकाज ठप्प पारिएको छ ।
धेरै मतदाता रहेको पृथ्वीनारायण क्याम्पससहित नर्सिङ क्याम्पसको विवाद अदालत पुग्दा सोमबार लामाचौरको पश्चिमाञ्चल क्याम्पसमा नेविसंघले तालाबन्दी गरेको छ । क्याम्पसले एकलौटी गरेको आरोप लगाउँदै नेविसंघ क्याम्पस इकाइ समितिका ३ उपसभापतिसहितले निर्वाचन कार्यालयमा तालाबन्दी गरेको हो ।
२७ फागुनको मनोनयनमा क्याम्पसको इकाइ बैठकबिनै नेविसंघ जिल्ला हावी भई अनधिकृतरूपमा प्रवेश गरेको भन्दै नेविसंघ क्याम्पस इकाइ समिति उपसभापति सन्देश पोखरेल, सुमन भट्टराई, सचिन अर्यालसहित १४ जनाले राजीनामा दिएका थिए । सोही समूहले नेविसंघबाट उम्मेदवार १६ जनाको नाम फिर्ता लिएको थियो । नेविसंघ क्याम्पस पूर्व इकाइ सभापति अञ्जन थापाले जिल्ला हावी भएको स्थिति एकातिर रहँदा निर्वाचन अधिकृतको राजीनामा आइसक्दा क्याम्पसले एकलौटी नामावली प्रकाशित गरेकोमा असन्तुष्टि जनाए ।
क्याम्पसले नामावली प्रकाशित गरेको, आफूहरुलाई अनेक धम्की आएको भन्दै स्थिति सामान्य नहुन्जेलसम्म निर्वाचनका प्रक्रिया अघि नबढाउन माग गर्दै नेविसंघको असन्तुष्ट पक्षले तालाबन्दी गरेको हो ।
क्याम्पस गेटमा टाँस गरिएको विज्ञप्तिमा यस अवस्थामा क्याम्पस गेट अगाडि गैरविद्यार्थीको उपस्थिति हुनु र क्याम्पसका विद्यार्थीलाई अभद्र व्यवहार गरी धम्की दिने क्रम जारी रहेको उल्लेख छ । साथै उम्मेदवारी दिएका केही सम्पर्कविहीन भएको र पठनपाठन स्थितिसमेत नरहेकाले स्थिति सामान्य नहुञ्जेल निर्वाचन प्रक्रिया अघि बढ्न नहुने उनीहरुको ठहर छ ।
पृथ्वीनारायण क्याम्पसमा निर्वाचन समितिले काम गर्न नसक्ने भनी हात झिकिसकेको छ भने निर्वाचन कार्यालयमा ताला ठोकिएको छ । उच्च अदालतमा दायर रिटमा २ चैतसम्म निर्वाचनसम्बन्धी काम, कारबाही अगाडि नबढाउन अदालतले अल्पकालीन अन्तरिम आदेश दिएपछि चुनावी चहलपहल शून्य छ । पृथ्वीनारायणमा करिब ११ हजार मतदाता छन् ।
वन विज्ञान अध्ययन संस्थान, संस्कृत क्याम्पसमा मनोनयन भएको छैन । जनप्रियमा विद्यार्थी भर्नाले विवाद उत्पन्न हुँदा निर्वाचन प्रक्रिया अघि बढेको छैन । स्ववियु चुनावको ५ चैतमा मतदाता हुँदैछ ।
त्रिविका देशभरिका ६२ आंगिक र १ हजार ४० सम्बन्धन प्राप्त क्याम्पसमा चुनाव हुन लागेको हो ।
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१