पोखरा । पोखराको फेवातालमा डुंगा पल्टिएको छ । ६ जना सवार डुंगा शनिबार दिउँसो ४: १० बजे पल्टिदा एक जना घाइते भएका छन् ।

घाइते हुनेमा पोखरा १ बगर निवासी ७० वर्षीया याममाया गिरी हुन् । उनको अवस्था गम्भीर । उनको पोखराको गण्डकी मेडिकल, नयाँबजारमा उपचार भइरहेको जिल्ला प्रहरी कार्यालय कास्कीका प्रवक्ता प्रहरी नायव उपरीक्षक श्रवण बिकले जानकारी दिए । अन्य ५ जना यात्रुको अवस्था सामान्य छ ।

मन्दिर बीचमा रहेको तालवाराही मन्दिरको दक्षिणी भेगमा एक्कासि डुंगा पल्टिएपछि रेस्क्यु टोलीले उद्धार गरेको हो । हावाहुरीको बेलामा फेवातालमा डुंगा सयर गर्नु जोखिम मानिन्छ ।