पोखरा। आन्तरिक उडानमै सीमित पोखरा अन्तर्राष्ट्रिय विमानस्थलमा रात्रिकालीन उडान सफल भएको छ । सौर्य एयरलायन्सको विमान बुधबार राति काठमाडौंदेखि उडेर पोखरा विमानस्थलमा सफल अवतरण भएको हो । सबै प्रक्रिया पूरा गरेर रात्रीकालिन उडानका लागि तयार रहेको विमास्थलमा रात्रिकालीन उडान सफल भएको विमानस्थल प्रमुख विक्रमराज गौतमले जानकारी दिए ।
उनका अनुसार काठमाडौंबाट ३३ यात्रु बोकेर आएको सौर्यको ९एन–एएमई जेट इन्जिन जहाज राति ८ः४५ बजे सफल अवतरण भएको हो । पोखरा अवतरणपछि विमान राति नै काठमाडौं फर्किएको छ । ‘काठमाडौंबाट ३३ यात्रु बोकेर आएको जहाज विमानस्थलमा सफल अवतरण भयो,’ प्रमुख गौतमले भने, ‘उक्त जहाजले ४६ यात्रु बोकेर पुन काठमाडौं नै फिर्ता भएको छ ।’
३३ यात्रु बोकेर आएको विमान राति ८ः४५ बजे सफल अवतरण
सौर्य चढेर पोखरा उत्रिएका यात्रु मोहन भण्डारीले सफल अवतरण गरेको भन्दै फेसबुकमार्फत खुसी व्यक्त गरेका छन् । ‘खराब मौसमका कारण ढिलाइ भए पनि सौर्य एयरलाइन्सले पोखरा विमानस्थलमा पहिलो आइएफआर उडान सफलतापूर्वक सम्पन्न गरेको छ । सौर्य एयरलाइन्सको समर्पित टोलीले कडा मिहिनेत गरेर यो सम्भव बनायो,’ उनले भनेका छन्, ‘यस ऐतिहासिक क्षणको एक हिस्सा हुन पाउँदा रोमाञ्चित छु ।’
विमानस्थलमा आइएफआर गत २३ फेब्रुअरीबाट लागु भएको थियो । त्योसँगै रात्रिकालीन र अन्तर्राष्ट्रिय उडानका लागि विमानस्थलको म्याचुरिटी पिरियड पूरा भएको पोखरा विमानस्थल प्रमुख गौतमले जानकारी दिए । फ्लाइट प्रमाणित नेपाल नागरिक उड्डयन प्राधिकरणले चोकजाँच गरेर रात्रिकालीन उडान गर्न अनुमति दिएको हो ।
प्राधिकरणले २५ फागुनको लागि बुद्धलाई अनुमति दिइसकेकोमा त्योभन्दा अघि नै सौर्य आएको हो ।
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१