पोखरा । लायन्स क्लब अफ पोखरा भद्रकाली वर्ष २०२३/२४ को अध्यक्षमा धनेन्द्र गुरुङ निर्वाचित भएका छन् । फागुन ९ गते पोखरामा भएको निर्वाचनबाट प्रथम उपाध्यक्षमा पदमपाणि शर्मा, द्वित्तीय उपाध्यक्षमा प्रेम चापागाईं, तृतीय उपाध्यक्षमा समीर परियार, सचिवमा यज्ञ बराल र कोषाध्यक्षमा टीकाराम थापा निर्वाचित भए ।

निवर्तमान अध्यक्ष कृष्णप्रसाद तिम्सिनाको संयोजकत्वमा रहेको समितले निर्वाचन कार्यक्रम सम्पन्न गरेको हो । क्लबको सहसचिवमा विष्णुप्रसाद अधिकारी, सहकोषाध्यक्षमा ध्रुव त्रिपाठी, र सदस्यमा मनिष शर्मा चापागाईं निर्वाचित भए ।

मेम्बरसिप चियरपर्सनमा संयुक्त धाख्वा, एलसिआइएफ कोअर्डिनेटरमा कृष्णप्रसाद शर्मा तिम्सिना, सर्भिस चियरपर्सनमा दीपकराज तिवारी, मार्केटिङ एन्ड कम्युनिकेसनमा भरत कोइराला, अर्थमा इन्द्र त्रिपाठी, वातावरण डाइरेक्टरमा केदार बराल र क्लब डाइरेक्टर राजु शर्मा चापागाईं चयन भएका छन् ।

क्लबका पूर्व अध्यक्षहरुलाई सल्लाहकारमा मनोनयन गरिएको छ । क्लब अध्यक्ष अमृतकुमार पौडेलको अध्यक्षतामा भएको कार्यक्रममा पूर्व अध्यक्ष शंकर ज्ञवाली, वसन्तराज सिग्देल लगायत सहभागी थिए ।

अध्यक्ष पौडेलले आफ्नो कार्यकालमा सेवामूलक कार्यहरु सक्दो गरेको भन्दै यसमा सहयोग गर्नेप्रति आभार व्यक्त गरे ।

आगामी वर्षका लागि निर्वाचित अध्यक्ष गुरुङले क्लबको गरिमा कायम राख्दै आगामी दिन अझै प्रभावकारी रुपमा कार्यसम्पादन गर्ने प्रतिबद्धता जनाए ।