हेमजा । मानव सेवा आश्रमको निर्माार्णाधीन भवन पूर्णताका लागि आर्थिक संकलनार्थ हेमजा बावियाँतरामा जारी श्रीमद्भागवत ज्ञानविज्ञान महायज्ञ शुक्रबार सकिंदै छ ।

महायज्ञको गण्डकी प्रदेश प्रमुख पृथ्वीमान गुरुङको उपस्थितिमा समापन गर्ने कार्यक्रम रहेको छ । यज्ञको सातौं दिन बिहीबारसम्म साढे ५ करोड सहयोग संकलन भएको आश्रमका गण्डकी प्रदेश अध्यक्ष होमनाथ तिमिल्सिनाले जानकारी दिए ।

कार्यक्रममा आत्मानन्द गिरी महाराजले सेवा नै धर्म भएको उल्लेख गर्दै मानिस अमर रहन कृति असल गर्नुपर्ने औंल्याए । त्यस अवसरमा प्रदेशसभा सदस्य गणेशमान् गुरुङ, स्व. सूर्यबहादुर केसी परिवारको तर्फबाट प्रेमकुमारी केसी, पोखरा महानगरपालिकाका कार्यकारी अधिकृत वीरेन्द्रदेव भारती लगायतले पनि धारणा राखे ।

महायज्ञका प्रमुख वाचक पं कमलनयन गौतमले बुबाआमाको सेवा गर्नु नै सबैभन्दा ठूलो धर्म भएको औंल्याउँदै मानिसले आहारविहार साथै जीवनशैलीमा ध्यान दिनुपर्ने बताए ।

यज्ञको आखिरीमा दाता बढ्दै गएका छन् । बिहीबारमात्रै १ करोड बढी संकलन भएको हो ।

यज्ञबाट संकलित रकमले भवनको पूर्णताका अलावा लक्ष्मीनारायण मन्दिर निर्माण, अक्षयकोष श्रीवृद्धि तथा मानवताको प्रवद्र्धनमा टेवा पुर्‍याउने लक्ष्य छ ।