पोखरा । चुनावमा डेब्यु प्रतिस्पर्धा । तीनै क्षेत्रमा निवर्तमान सांसद प्रतिस्पर्धी । त्यसमाथि एमाले ‘गढ’ हिमालपारिको जिल्ला मुस्ताङ ।
यहाँको प्रतिनिधि सभा र प्रदेश सभाका तीनै सिटमा चुनाव जित्ने एमाले आकलन थियो । स्थानीय तहको निर्वाचनदेखि पछिल्ला गतिविधिले पनि एमालेलाई निकै बलियो सावित गरेको थियो । मुस्ताङका ५ स्थानीय तहमध्ये एउटा पालिकाको अध्यक्षमात्रै जितेको कांग्रेस पनि मुस्ताङ चुनाव जित्नेमा आशावादी थिएन । वर्षौंदेखि राजनीति गरेर खारिएका एमाले हेभिवेट उम्मेदवारका अगाडि ‘निम्छरो’ आकलन गरिएका कांग्रेसका तीनै उम्मेदवारले मुस्ताङलाई कांग्रेसको ‘गढ’ बनाए ।
कांग्रेसले चुनाव नजित्ने देखेपछि तीनै जना ४० वर्षभन्दा कम उमेरका युवालाई टिकट दियो । एमालेका उम्मेदवार भने तीनै जना ५० वर्ष कटेका ।
आइतबारको निर्वाचनमा पहिलोपल्ट अन्तिम मतपरिणाम सार्वजनिक हुँदा प्रतिनिधि सभा सदस्यमा कांग्रेसका २९ वर्षका योगेश गौचन थकालीले बाजी मारे । उनको जीत निकै रोचक छ । उनले एमालेका निवर्तमान सांसद प्रेम तुलाचनविरुद्ध उम्मेदवारी दिएका थिए । तुलाचन यस्ता व्यक्ति हुन्, जो लामो समय रोमी गौचनले कांग्रेसमा अवसर नदिएको असन्तुष्टीमा कांग्रेस छोडेर २०७४ को निर्वाचनमा एमाले प्रवेश गरे । उनी एमाले छिरेनन् मात्रै विपक्षी पार्टीबाट उनै रोमीलाई पराजित समेत गरे ।
योगेशले अहिलेको निर्वाचनमा ६० वर्षका तुलाचनलाई हराएर संसदीय ढोकामात्रै खोलेनन्, आफ्नै बाबुलाई हराउनेविरुद्ध चुनाव जितेर २०७४ को बदला लिए । योगेश उनै रोमीका छोरा हुन् । उनले ३ हजार ९ सय ९२ मत पाउँदा प्रतिस्पर्धी तुलाचनले ३ हजार ७८ मतमात्रै पाएका छन् । रोमीले लामो समय मुस्ताङको राजनीति गरे । पछिल्ला निर्वाचनमा उनीविरुद्ध कांग्रेसका नेता कार्यकर्ता नै एकजुट हुन थालेपछि विस्तारै उनको ‘क्रेज’ कमजोर हुँदै गयो । उनकै कारण धेरै कांग्रेसीहरु पार्टी छोडेर एमालेमा लागे । कांग्रेसकै असन्तुष्टलाई समेटेर एमालेले २०७४ मा मुस्ताङलाई आफ्नो किल्ला बनायो । अहिले पनि मुस्ताङको चुनावका लागि रोमीलाई नै कांग्रेसले आधिकारिक टिकट दिएको थियो । उनले आफ्नो टिकट छोरालाई थमाए । भारतमा स्नातकोत्तर पढेर आएका योगेश पर्यटन व्यवसायी हुन् ।
यसपालि मुस्ताङमा युवा उमेरको ‘कार्ड’ ले अप्रत्यासित रिजल्ट निकालेको छ । मुस्ताङबाट विजयी भएका योगेशमात्रै होइन, तीनै सांसद ४० वर्ष भन्दा कम उमेरका छन् । प्रदेश सभा (क) बाट चुनाव जितेका नम्डु गुरुङ ३३ वर्ष टेके । उनले निवर्तमान प्रदेश सभा सांसद इन्द्रधारा विष्टलाई हराएर संसदमा डेब्यु गरे । उनी गत स्थानीय निर्वाचनमा लोमान्थाङ ४ को वडाध्यक्षमा पराजित भएका थिए । अहिले नम्डुले १ हजार ४८ मत पाए भने निकटतम् प्रतिस्पर्धी विष्टले ७ सय ९३ मत पाए । उनका प्रतिस्पर्धी विष्ट समुदायमा चिनिएका उम्मेदवार हुन् । ५३ वर्षका विष्ट चुनाव जितेर प्रदेशको मन्त्री हुने दाउमा थिए ।
कांग्रेसले चुनाव नजित्ने देखेपछि तीनै जना ४० वर्षभन्दा कम उमेरका युवालाई टिकट दिएको थियो
प्रदेश (ख) मा कांग्रेसका विकल शेरचन निर्वाचित हुँदा एमालेका चन्द्रमोहन गौचनले लज्जास्पद हार व्यहोरे । लामो समय एमाले मुस्ताङ धानेका र पार्टी अध्यक्ष भएर काम गरेका उनी अघिल्लो चुनावमा समानुपातिकतर्फबाट प्रदेश सभा सांसद थिए । विकलले गौचनलाई १ सय ५८ मतअन्तरले हराएका हुन् । शेरचनले २ हजार ७ सय २३ मत ल्याउँदा गौचनको पक्षमा २ हजार ५ सय ६५ मत आएको छ । विकल कोरियाबाट फर्केर राजनीतिमा जोडिएका थिए । उनी जनसम्पर्क समिति दक्षिण कोरियामा आवद्ध कांग्रेसको सक्रिय राजनीतिमा थिए । विकल ३९ वर्षका भए भने चन्द्रमोहन ५५ वर्षका हुन् ।
योसँगै मुस्ताङमा कांग्रेसले क्लिन स्वीप पारेको छ । मुस्ताङमा ‘बा’ पुस्तालाई पाखा लगाएर यु–४० अर्थात् ४० वर्षभन्दा कम उमेरका उम्मेदवार विजयी भएका हुन् । मुस्ताङमात्रै होइन, देशका अधिकांश निर्वाचनको प्रारम्भिक मत परिणाम हेर्दा युवा पुस्ताका उम्मेदवार हावी भएका छन् । वृद्ध उमेरका प्रतिस्पर्धी हराएर युवा उमेरका उम्मेदवार संसद छिर्ने सम्भावना धेरै क्षेत्रमा देखिन्छ ।
मनाङमा टेक र मुनिन्द्र निर्वाचित
मनाङबाट प्रतिनिधि सभा सदस्यमा नेपाली कांग्रेसका टेकबहादुर गुरुङ निर्वाचित भएका छन् ।
४ हजार ४ सय ९१ मतगणनामा उनले एमालेका पोल्देन छोपाङ गुरुङलाई झण्डै ३ सय मतान्तरले पछि पारेका छन् । अब ४ सयमात्र मत गन्न बाँकी भएकोले उनको जीत सुनिश्चित भएको हो ।
टेकले २ हजार ३ सय ७४ मत ल्याउँदा पोल्देनले २ हजार ९५ मत ल्याएका छन् । २०७४ सालको चुनावमा छोपाङले टेकबहादुर हराएका थिए ।
यसअघि, मनाङ प्रदेश सभा (क) बाट कांग्रेसका मुनिन्द्रजंग गुरुङ सांसदमा विजयी भएका छन् । उनले एमालेका राजन गुरुङलाई ३ सय ३० मतअन्तरले हराएका हुन् । मुनिन्द्रको १ हजार २ सय ५५ मत आउँदा राजनले ९ सय २५ मतमात्रै पाए ।
जिल्लाको प्रदेश सभा (ख) मा स्वतन्त्र उम्मेदवार राजीव गुरुङ (दीपक मनाङे) निर्विरोध भइसकेका हुन् । राजीव गण्डकीका युवा तथा खेलकुद मन्त्री समेत हुन् ।
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१