पोखरा । पाकिस्तानका पूर्व प्रधानमन्त्री इमरान खानमाथि गोली प्रहार भएको छ । गुजरावालाको अल्लाहवाला चोक नजिकै उनीमाथि गोली प्रहार भएको हो । गोली लागेर उनी घाइते भएका छन् ।

र्‍यालीमा रहेका उनी सवार कन्टेनरमा आक्रमणकारीले ३/४ राउण्ड गोली हानेको पाकिस्तानी संचारमाध्यमले जनाएका छन् ।

खुट्टामा गोली लागेका खानलाई उपचारका लागि लाहोर पठाइएको छ । घटनामा अरु ३/४ जना पनि घाइते भएको जनाइएको छ । गोली हान्ने एक जना व्यक्तिलाई पक्राउ गरिएको पाकिस्तानी प्रहरीले जनाएको छ । घटनाको अनुसन्धान भइरहेको छ ।