पोखरा । ताओ एसोसिएसन अफ नेपाल गण्डकी प्रदेशले सोमबार पोखरामा मानव स्वास्थ्य र सन्तुलित खानपानसम्बन्धी सचेतनामूलक अन्तक्र्रिया गरेको छ ।
दसैं, तिहार र छठजस्ता ठूला चाड सम्मुखमा स्वास्थ्य र खानपानसम्बन्धी चेतना फैलाउने उद्देश्यले कार्यक्रम आयोजना गरिएको ताओ गुरु आनन्द दाहालले जानकारी दिए । कार्यक्रममा भेजिटेरियन सोसाइटी अफ नेपाल, विभिन्न धार्मिक संघसंस्था, सामाजिक व्यक्तित्व र स्थानीयको उपस्थिति थियो ।
सो अवसरमा सात्विक न्यूट्रिफुड पुुरानोधारा पोखराका पोषणविद् डा. सुधाश्री अधिकारी र डा. केशवप्रसाद भट्टराईले पोशषकतत्वयुक्त स्वस्थ्य खाना र मानव स्वास्थ्यबारे सचेतना प्रदान गरेका थिए । मधुमेह र उच्च तथा न्युन रक्तचापजस्ता समस्या खानपानका माध्यमबाट नियन्त्रण गर्न सकिन्छ भन्ने सन्देश दिन पनि कार्यक्रम आयोजना गरिएको जनाइएको छ । पछिल्लो समयमा असन्तुलित आहार र त्यस्तै खालको दिनचर्याका कारण मानिसहरुमा मधुमेह, उच्च तथा न्युन रक्तचाप र मस्तिष्कघात जस्ता समस्या समेत देखिन थालेको भन्दै डा द्वयले खानपान र जीवनयापनमा सुधार ल्याई स्वस्थ बनेर दीर्घायु बाँच्न सकिने बताए ।
ताओमार्गी मनु गुरुङले ४ वटा सेतो चिज : सेतो चिनी, सेतो नुन, सेतो चामल र सेतो मैदा शरीरका लागि लाभदायक नहुने बताए
डा. अधिकारीले शरीरलाई स्वस्थ राख्न आवश्यक विभिन्न पौष्टिकतत्व भएको खानालाई सन्तुलित भोजन भनिने गरेको स्मरण गराइन् । कार्वोहाइड्रेट, पोटिन, फ्याट, पानी, भिटामिन र खनिज पदार्थ मिसिएको एक पूर्ण खाद्य पदार्थलाई नै पोषक तत्वको रुपमा बुझ्ने उनले प्रष्ट्याइन् । सन्तुलित खानाले रोग प्रतिरोधात्मक क्षमता बढाई विभिन्न रोगहरुविरुद्ध लड्ने शक्तिको विकास शरीरमा हुने उनले सुनाइन् ।
त्यसकारण खानामा रैथानेखालका खासगरि खैरो चामल, मकै, उवा, कोदो, फापर, दाल, गेडागुडी, माछा, मासु, अण्डा, तरकारी, सलाद, फलपूmल प्रयोग गर्न उनले सुझाव दिइन् । साकाहारीहरुले तोफु र च्याउ जस्ता खानेकुरा प्रयोग गर्न सक्ने उनले बताइन् । यसैगरी घ्यू, आलस, तिल, एभोकाडो जस्ता अन्न र फलफूल प्रयोग गर्नसमेत उनले सल्लाह दिइन् । खासगरी सन्तुलित भोजनमा तरकारी र फलफूलको मात्रा ४० प्रतिशत, रेशायुक्त कार्वोहाइड्रेड र पोटिन क्रमशः २५÷२५ प्रतिशत र बोसोको मात्रा १० प्रतिशत हुनुपर्ने हिसाब उनले सुनाइन् । प्रशोधित गरिएको पोषणविहिन सरल कार्बोहाइड्रेटयुक्त खानाभन्दा प्रशोधन नगरिएको पोषणले भरिपूर्ण जटिल र सम्पूर्ण खाना नै शरीरको लागि उपयुक्त हुने कार्यक्रममा चर्चा गरिएको थियो ।
यसअघि, ताओमार्गी मनु गुरुङले ४ वटा सेतो चिज ः सेतो चिनी, सेतो नुन, सेतो चामल र सेतो मैदा शरीरका लागि लाभदायक नहुने बताए । यसको सट्टा मिठो तुलसीबाट बनेको स्टेभिया, सिदे नुन (पिंक सल्ट), खैरो चामल र आँटा वा ओट्स खान उनले सुझाए । मानव शरीर पंचतत्वबाट बनेका कारण प्रकृतिसँग मानिस नजिक रहन सके स्वस्थता बढ्ने र दीर्घजीवन बाँच्न सकिने उनले बताए । घाममा निस्कने, सूर्य, चन्द्रमाको दर्शन गर्ने, खोलाको सुसावटमा रमाउने, जमिनमा खाली गोडाले केही समय हिंड्ने र आकाश हेर्नेजस्ता कार्यले मानिस प्रकृतिको नजिक रहने उनले सुनाए । मानिस सकारात्मक हुन सके, शरीरले सोही भावअनुसारको इन्जाइम निकाल्ने र स्वस्थ भइने उनले बताए ।
Related News
सम्बन्धित समाचार
पोखरा ६ मा साबुन बनाउने तालिम
रोजगारी दिनेभन्दा खोज्ने कम : २ सय ४५ जनाले पाए रोजगारी
गण्डकी बोर्डिङका शिक्षकलाई तालिम
प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन
एनटिभिएको शुभकामना आदानप्रदान
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१