कांग्रेस गण्डकीको विभिन्न समिति

आदर्श समाज सम्वाददाता
असाेज १०, २०७९
congress gandaki

पोखरा । नेपाली कांग्रेस गण्डकी प्रदेशले आसन्न प्रतिनिधिसभा तथा प्रदेशसभा चुनावका लागि विभिन्न समिति गठन गरेको छ ।

प्रदेश सभापति शुक्रराज शर्माको अध्यक्षतामा बसेको बैठकले घोषणापत्र तयारी समिति संयोजकको जिम्मा महामन्त्री विष्णुप्रसाद लामिछानेलाई दिएको छ । घोषणापत्रमा गण्डकी प्रदेशमातहतका जिल्लावासीको जीवनस्तर परिवर्तनका लागि समस्या र समाधान समेटी सम्बोधन गरिनुपर्ने विषयवस्तुबारे जिल्ला कार्यसमितिसँग राय सुझाव माग गर्नेसमेत निर्णय गरेको छ ।

यस्तै, प्रचारप्रसार समितिमा अर्का महामन्त्री किरणबाबु श्रेष्ठलाई संयोजक तोकेको छ भने आर्थिक परिचालन समिति संयोजकमा प्रदेश कोषाध्यक्ष वसन्तकुमार श्रेष्ठ रहेको प्रवक्ता माधवप्रसाद बास्तोला (मधु) ले जानकारी गराए ।

बिपी स्मृति पुस्तकालय संचालन समिति संयोजकमा प्राडा कुशुमाकर न्यौपाने र अक्षयकोष तथा पुरस्कार व्यवस्थापनको संयोजकत्वमा प्रवक्ता मधुलाई तोक्ने निर्णय गरिएको छ । बैठकले जनतालाई अप्ठ्यारो पर्ने गरी ल्याएको करमा पुनर्वलोकन गर्न समितिले गरेको निर्देशनलाई गण्डकी प्रदेश सरकारले सम्बोधन गरेकोमा धन्यवाद व्यक्त गरेको छ ।

प्रतिनिधिसभा तथा प्रदेशसभा सदस्य चुनाव आगामी मंसिर ४ मा हुँदैछ ।

Related News

सम्बन्धित समाचार

  • स्याङ्जा २ को मतगणना अनिश्चित

    आदर्श समाज सम्वाददाता मंसिर १३, २०७९
    पोखरा । गण्डकीमा सबै क्षेत्रको नतिजा आइसक्दा स्याङ्जा क्षेत्र २ को मतगणना अझै अनिश्चित छ । मंगलबारसम्म प्रतिवेदन बुझाउने भनिएकोमा…
  • कास्की ३ मा एमालेका बैरागी निर्वाचित

    आदर्श समाज सम्वाददाता मंसिर ९, २०७९
    पोखरा । कास्की क्षेत्र ३ बाट प्रतिनिधिसभा सदस्यमा नेकपा एमालेका दामोदर पौडेल वैरागी निर्वाचित भएका छन् । पाँचदलीय गठबन्धनका साझा…
  • नवलपरासी २ : तीन दशकपछि कांग्रेस

    रासस मंसिर ९, २०७९
    नवलपुर । नवलपरासी (बर्दघाट–सुस्तापूर्व) को निर्वाचन क्षेत्र नं २ मा नेपाली कांग्रेसले नेकपा (एमाले) को तीन दशक लामो विरासत भत्काएको…
  • प्रधानमन्त्री नारामा गगनको जीत

    रासस मंसिर ७, २०७९
    काठमाडौं । नेपाली कांग्रेस संसदीय दलको नेता बनेर प्रधानमन्त्री बन्ने नाराका साथ काठमाडौं क्षेत्र ४ मा मत मागेका गगनकुमार थापा…
  • एमालेकी विद्याको सहज अग्रता

    आदर्श समाज सम्वाददाता मंसिर ७, २०७९
    पोखरा । प्रतिनिधिसभा तथा प्रदेशसभा निर्वाचन २०७९ अन्तर्गत जारी मतगणनामा कास्की २ प्रतिनिधिसभातर्फ नेकपा एमालेले फराकिलो अन्तर पारेको छ ।…

hero news full width