पोखरा । नागरिकको मागलाई सम्बोधन गर्दै गण्डकी प्रदेश सरकारले करका दर समायोजन गरेकामा नेपाली कांग्रेस गण्डकीले स्वागत गरेको छ । जनतालाई अप्ठ्यारो पर्ने गरि बढाइएको करमा पुनरावलोक गर्न गरेकामा प्रदेश समितिको आज आइतबार बसेको पदाधिकारी बैठकले सरकालाई धन्यवाद दिएको हो ।
मुख्यमन्त्रीसँग समन्वय नै नगरी अर्थमन्त्री रामजीप्रसाद बरालले करका दरमा व्यापक हेरफेर गरेपछि चौतर्फी विरोध भएको थियो । कांग्रेस प्रदेश समितिले पनि विज्ञप्ति जारी गरी सरकारको ध्यानाकर्षण गराएको थियो । प्रदेश नीति तथा योजना आयोगले गरेको सिफारिस समेत बेवास्ता गर्दै अर्थमन्त्रीले एकतर्फीरुपमा कर बढाएपछि संसदमा समेत व्यापक विरोध भएको थियो । अर्थमन्त्रीले भने प्रगतिशील कर प्रणाली अनुसार आफू चलेको प्रतिक्रिया दिँदै आएका छन् ।
करको पुरानै अवस्थामा ल्याउनका लागि मुख्यमन्त्री कृष्णचन्द्र नेपाली पोखरेलले अर्थमन्त्रीलाई निर्देशन दिए पनि उनले बेवास्ता गर्दै आएका थिए । मुख्यमन्त्री पोखरेलको निर्देशनमा प्रदेश सचिव रामप्रसाद आचार्यको संयोजकत्वमा गठित समितिले दिएको प्रतिवेदनका आधारमा करका दरमा हेरफेर भएको हो ।
घरजग्गा रजिस्टे«शन, नामसारी, भाडाका गाडीमा सवारी कर र भाडाका सवारीका लागि दिइने कर छुटमा पुनरावलोकन गर्ने गरी असोज ६ मा बसेको मन्त्रिपरिषदको बैठकले निर्णय गरेको हो ।
यसैगरी नेपाली कांग्रेस गण्डकी प्रदेशले मंसिर ४ गते हुन गइरहेको निर्वाचनलाई लक्ष्य गरी विभिन्न निर्णय गरेको छ ।
प्रदेशको आज बसेको पदाधिकारी बैठकले प्रतिनिधि सभा र प्रदेश सभा निर्वाचनमा पार्टीका तर्फबाट प्रस्तुत उम्मेदवारहरु र नेपाली कांग्रेसलाई विजयी गराउनका लागि नेपाली कांग्रेसका गण्डकी प्रदेश, जिल्ला तथा स्थानीय तहमा रहेको संस्थाहरु र भातृसंगठन तथा शुभेच्छुक संस्थाले खेल्नुपर्ने भूमिकाका विषयमा छलफल तथा विविध निर्णय गरेको हो ।
गण्डकी प्रदेशलाई समृद्धि प्रदेश निर्माण गर्ने उद्देश्य पूरा गर्न र निर्वाचन गतिविधिहरुलाई प्रभावकारी बनाउन आर्थिक परिचालन समिति संयोजकमा नेपाली कांग्रेस गण्डकी प्रदेशका कोषाध्यक्ष वसन्तकुमार श्रेष्ठ, घोषणा पत्र तयारीमा महामन्त्रीद्वय विष्णुप्रसाद लामिछाने र प्रचार–प्रसार समितिमा किरणबावु श्रेष्ठलाई संयोजक तोकिएको प्रवक्ता माधवप्रसाद बास्तोला (मधु)ले जानकारी गराए ।
साथै, विपी स्मृति पुस्तकालय सञ्चालन समितिको संयोजकमा प्रा.डा.कुशुमाकर न्यौपाने र अक्षयकोष तथा पुरस्कार व्यवस्थापनको संयोजकत्वमा प्रवक्ता माधव प्रसाद बास्तोला (मधु)लाई तोक्ने निर्णय गरिएको छ ।
त्यसैगरी नेपाली कांग्रेस गण्डकी प्रदेशद्वारा तयार गरिने घोषणापत्रमा गण्डकी प्रदेश मातहतका जिल्लावासीको जीवनस्तर परिवर्तनका लागि समस्या र समाधान समेटी सम्बोधन गरिनुपर्ने विषयवस्तुका बारेमा जिल्ला कार्यसमितिहरुसँग राय सुझाव माग गर्ने समेत निर्णय गरेको छ ।
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१