पोखरा । कर्माचार्य समाज, कास्कीले बधाई तथा सम्मान कार्यक्रम गरेको छ । स्थानीय निर्वाचन २०७९ मा कर्माचार्य बन्धुहरु कर्माचार्य समाज, गण्डकीका उपाध्यक्ष गोविन्दकुमार कर्माचार्य स्याङ्जा भीरकोट नगरपालिकाको प्रमुख (मेयर) पदमा, कर्माचार्य समाज, कास्कीका सल्लाहकार प्रेमप्रसाद कर्माचार्य पोखरा ११ को अध्यक्ष पदमा र कर्माचार्य समाज, गण्डकी प्रदेशका कार्यसमिति सदस्य उत्तमकुमार कर्माचार्य म्याग्दी, बेनी नगरपालिका ८ कोषाध्यक्ष पदमा विजयी भएकामा उनीहरुलाई बधाई तथा सम्मान कार्यक्रम आयोजना गरिएको हो ।

नेवाः छें भीमसनटोलमा भएको कार्यक्रमका नेवाः खल कास्कीका अध्यक्ष अशोक पालिखे, कर्माचार्य समाज, गण्डकीका अध्यक्ष चन्द्रकृष्ण कर्माचार्यले सम्मानित व्यक्तिहरुलाई फेटा, खादा, माला लगाइ सम्मान गरेका थिए ।

यसैबीच रेखा कर्माचार्यको अध्यक्षतामा गठित २८ सदस्यीय कर्माचार्य महिला समाजको पदस्थापनसमेत गरिएको छ । कार्यक्रममा नेवाः मिसा पुच कास्कीका अध्यक्ष मेनुका श्रेष्ठ, अध्यक्ष रेखा कर्माचार्य लगायतले बोलेका थिए ।

समाजका उपाध्यक्ष भरतकुमार कर्माचार्यले धन्यवाद र कर्माचार्य समाज गण्डकीका महासचिव ईश्वरप्रसाद कर्माचार्यले कार्यक्रम सञ्चालन गरेका थिए ।