पोखरा । पोखरा महानगरपालिका ४ बूढानीलकण्ठ मन्दिर नजिकैको सडक शनिबार राति भासियो । त्यस क्षेत्रमा यातायात अवरुद्ध बनेको छ भने नजिकैको एक घरमा क्षति पुगेको छ । सो क्षेत्रमा करिब १५ मिटर जतिको सडक भासिंदा गैह्रापाटनेदेखि बागलुङ बसपार्क छिर्ने भित्री सडकमा आवातजावतमा समस्या भएको हो ।
गत वर्षको भदौमा पनि महेन्द्रपुलको मुल सडक छेउ पनि यसैगरी भासिएको थियो । सडक र फुटपाथ ठूलो भ्वाङ पर्ने गरी भासिंदा महानगरको सहयोगमा आसपासका घरका मानिसले हताहतार खाल्डो पुरे । त्यस्तै, सोही वर्षको भदौमै नदीपुरमा जमिन भासिंदा ३ घर र सडकमा समेत क्षति पुग्यो । भत्किएको ठाउँ डोजर सहयोगमा माटोले पुरियो । भासिएको जमिन यसरी पुरपार गर्दा अस्थायी रुपमा समाधान भए पनि स्थायी समाधान हैन । यो फस्ट एडमात्र हो । २०७१ सालमा पोखराको अर्मलामा खेतमा दर्जनौं भ्वाङ परेको घटनाले तरंग छाएको थियो ।
पोखराको सडक भासिने यी र यस्तै घटना बर्सेनि दोहोरिरहन्छन् । विगतको तुलनामा केही वर्षयता जमिन भासिनेक्रम बढ्दो छ । पोखराको खासगरी नदीपुर, महेन्द्रपुल, न्युरोड, लामाचौरलगायत क्षेत्रमा जमिन बढी भासिने गरेको घटनाक्रमले देखाएको छ ।
नेपालमै अधिक वर्षा हुने सहर पोखरा हो । अघिल्लो दिनको वर्षाले सुइँखेल डुबेको थियो । मनसुन भित्रिएसँगै यतिबेला पोखरामा दिनहुँ वर्षा भइरहेकै छ । वर्षाका कारण पोखराको सडकमा भेलमात्र हैन खोलो बग्छ । त्यसबेलासम यातायातको साधन चलाउनेत धौधौ हुन्छ । यहाँ स्कुटर, मोटरसाइकल, साइकल कति पटक बगे भन्ने लेखाजोखा नै छैन । सडक नालीमा सेफ्टी नभए मानिस भेलसँगै नालीमा बग्ने जोखिम पनि उत्तिकै छ । सडकमा बग्ने खोलोले सानो छिर्द पायो भने त्यहीभित्र पसेर चुनमाटो घोलिन्छ । अनि भित्रभित्रै जमिन कमजोर बनाउँछ र जमिन भासिने गरेको विज्ञको भनाइ छ ।
भूगोलविद् प्राडा कृष्ण केसी पोखराको जमिन चुनयुक्त ग्राभलले पुरिएको बताउँछन् । ‘१०/१२ हजार वर्ष पहिले सेतीको शिरबाट बाढी आयो । त्यसले पोखरा उपत्यका पुरिन गयो । ‘पोखरा ग्राभल’ नाम दिइएको त्यसले घाचोकदेखि भीमादसम्म पुरै ढाकेको थियो,’ पृथ्वीनारायण क्याम्पस पोखरा भूगोल विभागका पूर्व प्रमुखसमेत रहेका प्राडा केसी भन्छन्, ‘त्यसकारण सेतीको किनारको एरिया जोखिममा पर्छ । नदीपुरको बालमन्दिरदेखि न्युरोड हँुदै ढाँड (हालको राष्ट्र बैंकचोक), हरियोखर्कदेखि एसओएस भिलेज, बिरौटाको केही भाग, छोरेपाटन, गुप्तेश्वर गुफा आसपासको जमिन संवेदनशील छ ।’
प्राडा केसी भन्छन्, ‘एकअर्का छिद्रहरु आपसमा मिल्न गएर भूमिगत भूक्षय हुन्छ । साना-साना भ्वाङ हुन्छन् र केही दबाब पर्नासाथ भासिने गरेको छ ।’ बर्खामास मात्र नभई कहिलेकाही हिउँदमै पनि पोखराको जमिन नभासिएको होइन । त्यसको कारण पनि उही हो–ढलको पानी भित्रभित्रै गएर छिद्रहरु आपसमा मिलेर प्वालहरु ठूलो ठूलो हुँदै जान्छ र जमिन भासिन्छ ।
भूगोलविद् डा. नारायण गुरुङ भन्छन्, ‘पोखरामा अधिक वर्षा हुँदा माटोमा पानी मिसिनेबित्तिकै चुन घोलिन्छ । चुन घोलिएपछि माटोको शक्ति ह्रास हुन्छ र माटोले माथिको लोड (भार) थाम्न सक्दैन र भासिन्छ ।’ यो विज्ञानको सामान्य नियम भएको उनको भनाइ छ । पोखराको विपद् जोखिम विषयमा फ्रान्सको पेरिस विश्वविद्यालयबाट पिएचडी हासिल गरेका डा. गुरुङ कादुरी संस्थाको प्राविधिक निर्देशकसमेत हुन् ।
तर २०/३० वर्ष अगाडिको तुलनामा पछिल्ला वर्ष किन बढी जमिन भासिने गरेको छ ? भन्ने जिज्ञासामा उनी भन्छन्, ‘पहिले आकाशको पानी जमिनमा पर्दा जताततै सोसिएर जान्थ्यो । एकत्रित भएर बग्ने अवस्था थिएन । अहिले घरैघरले पोखरा भरिएको छ । पानी १ घन्टामात्र पनि लगातार परे सडकमा खोलो बग्छ । सडक छेउको नाला सानो छ । बाहिर आउँदा सडक छेउछाउमा छिद्र पाउने बित्तिकै पानी भित्र छिर्छ र चुन घोलेर सतह कमजोर बनाइदिन्छ ।’ उनका अनुसार पोखराको महेन्द्रल, न्युरोड, लामाचौर, बाटुलेचौर क्षेत्रमा बढी चुन छ । साथै खुकुलो माटो छ । सेतीको पूर्वतर्फ पेन्सन क्याम्प, रामघाट क्षेत्रको माटो अलि खँदिलो छ ।
पोखराको भूगोलबारे बेलाबेलामा अध्ययन हुने गरेका छन् । तर त्यसका रिपोर्ट र सुझावको कसैले पालना गर्दैनन् । सन् १९९८ मा खानी तथा भूगर्भ विभागसँग जर्मनको एक संस्थाले गरेको पोखराको नक्सांकन गरेको थियो । अध्ययनबाट यहाँका जोखिमयुक्त, संवेदनशील क्षेत्र स्पष्ट रुपमा छुट्याइएको थियो । तर पालना गर्ने सिलसिलामा पालना शून्य छ ।
सजगता अपनाउन मेयर आचार्यको आग्रह
पोखरा महानगरका मेयर धनराज आचार्यले वर्षाका कारण आउन सक्ने विपद्को जोखिमबाट जोगिन थप सजगता अपनाउन नगरवासीलाई आग्रह गरेका छन् ।
मेयर आचार्यले आइतबार अपील जारी गर्दै शुक्रबार रातिदेखि परेको अविरल वर्षाका कारण पोखरा २५ हेमजामा केही घरमा क्षति पुगेको, पोखरा ४ मा सडक भासिनुका साथै एक घरमा क्षति पुगेको, पोखरा १६ अर्मला, पोखरा २३ चापाकोट र पोखरा १९ लगायत विभिन्न स्थानमा भासिनुका साथै ग्रामीण तथा सहरी सडकसमेत अवरुद्ध हुन पुगेको स्मरण गराएका छन् । ती स्थानमा जिल्ला प्रशासन कार्यालय कास्की, नेपाल प्रहरी र रेडक्रससहित सरोकारवाला संस्थासँग समेत सहकार्य गर्दै राहत उद्धार र आवश्यक सहजीकरण कार्य भइरहेको जानकारी उनले दिए ।
मेयर आचार्यले अपिलमा ‘बाढी, पहिरो र डुबानलगायत कारणले उत्पन्न विपद्को यो क्षणमा वर्षाद्का समयमा जमिन भासिने, बाढी, पहिरो र जलाशयहरुको बढी जोखिम हुनेहुँदा थप सजगता अपनाउन, पूर्व सूचना/संकेतका आधारमा जोगिने उपायहरु खोज्न र विपत्तिमा सम्बिन्धित निकायमा यथासक्य छिटो जानकारी गराउनुहुन सबै नगरवासी समक्ष हार्दिक अपिल गर्दछु । महानगर हजुरहरुकै सेवामा समर्पित भएको व्यहोरा अनुरोध गर्दछु,’ उल्लेख गरेका छन् ।
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१