पोखरा । पोखरा जेसिजले गरेको आकस्मिक रक्तदानमा ५३ युनिट रगत संकलन भएको छ । पोखरा जेसिजका अध्यक्ष मीनराज खड्काले मादी ४ का अध्यक्ष तथा पोखरा जेसिजका पूर्व अध्यक्ष शिवप्रसाद सापकोटालाई ब्लडब्याग हस्तान्तरण गरे । अध्यक्ष सापकोटाले ४४ औं पटक रक्तदान गरी रक्तदान शुभारम्भ गरे ।

रक्तदान जीवनदान नारासहित आयोजना गरिएको कार्यक्रम संस्थाका अध्यक्ष मीनराज खड्काको अध्यक्षतामा भएको थियो । उनले क्षेत्रीय रक्तसञ्चार केन्द्र पोखरामा रगतको अभाव देखिएको र बिरामीहरुलाई पर्न सक्ने समस्या समाधान गर्ने उद्देश्यले रक्तदान गरिएको बताए ।

पोखरा जेसिजका महासचिव प्रकाश घिमिरेले सञ्चालन तथा सदस्य नवराज पौडेल कार्यक्रम संयोजन गरेको जेसिजका मिडिया रिलेसन अफिसर सन्तोष लामिछानेले बताए ।