गोरखा र बागलुङका ४ विद्यालयमा कम्प्युटर ल्याब

आदर्श समाज सम्वाददाता
जेठ १४, २०७९

पोखरा । कर्मफ्लाइट्स फाउन्डेसन नेपाल कास्कीले एडटेक नेपालको सहकार्यमा गोरखा र बागलुङका ४ विद्यालयमा कम्प्युटर ल्याब स्थापना गरेको छ । आव २०७८÷०७९ मा सम्पन्न परियोजनाबाट ४ विद्यालयका करिब १३ सयभन्दा बढी विद्यार्थी तथा शिक्षकहरु प्रत्यक्ष लाभान्वित भएका छन् ।

गोरखा जिल्लाको अजिरकोट गाउँपालिका ४ बालुवास्थित बुद्ध माविमा ८ लाख ५० हजार तथा अजिरकोट गापाबाट थप ५ लाख म्याचिङ फन्डबाट फर्निचर, ब्याट्री ब्याकअप, इन्भर्टर र २० वटा कम्प्युटरसहितको कम्प्युटर ल्याब स्थापना भएको हो । बागलुङ जिल्लाको निसीखोला गाउँपालिका ६ का २ वटा विद्यालय क्रमशः जनकल्याण मावि र तिलाचन मावि निसी भल्कोटमा पनि गाउँँपालिकाको ८ लाख र कर्म फ्लाइट्स तथा एडटेक नेपालको संयुक्त १७ लाख आर्थिक सहकार्यमा २०/२० वटा कम्प्युटरसहितका कम्प्युटर ल्याब स्थापना गरिएको कर्मफ्लाइट्सका कार्यक्रम निर्देशक प्रेमबहादुर कुँवरले बताए ।

नेपाललाई माया गर्ने एडुटेक नेपालका संस्थापक न्युजिल्यान्ड निवासी मनकारी दाता माइक र सियर्ली चिसमको व्यक्तिगत आर्थिक सहयोगमा कर्मफ्लाइट्स फाउन्डेसनको ५० प्रतिशत रकम म्याचिङ गरी विद्यालयहरुको समेत साझेदारीमा सहलगानी कोषमार्फत कम्प्युटर ल्याबहरु निर्माण गर्दै आएको छ । कम्प्युटर ल्याब स्थापनापश्चात् पनि संस्थाहरुले वर्षको २ पटक विद्यालय अनुगमन गर्ने, क्लस्टर तालिम प्रदान गर्ने र विद्यार्थीको हितमा ल्याब चलाउन लगातार खबरदारी गर्न गाउँपालिका शिक्षा शाखाको संयोजनमा थप तालिम कार्यक्रम गर्ने बताइएको छ ।

हालसम्म कर्म फ्लाइटसले एडुटेक नेपालको सहकार्यमा गोरखा र बागलुङका १४ वटा सामुदायिक विद्यालयमा यस्ता ल्याब निर्माण गरिसकेको छ ।

सम्बन्धित समाचार

लैंगिक हिंसाविरुद्ध प्रशिक्षण

आदर्श समाज सम्वाददाता मंसिर २१, २०८१

लेखनाथ । समुदाय–प्रहरी साझेदारी कार्यक्रम अन्तर्गत लेखनाथ सामुदायिक सेवा केन्द्र एवं सामुदायिक प्रहरीले विद्यार्थीहरुका लागि लैंगिक हिंसा विरुद्धका बारे प्रशिक्षण…
पाठ्यक्रम समयसापेक्ष बनाउन जरुरी : शिक्षा मन्त्री

रासस मंसिर २१, २०८१

पोखरा । पोखराको सबैभन्दा जेठो राष्ट्रिय माध्यमिक विद्यालयको हीरक महोत्सव बिहीबार समापन भएको छ । विसं. २००६ मंसिर २० मा…
पोखराको यातायात प्रविधिमैत्री र स्मार्ट बन्दै

आदर्श समाज सम्वाददाता मंसिर २१, २०८१

पोखरा । कोरियाली टोलीले पोखराको हरित यातायात प्रणाली विकास परियोजनासम्बन्धी अध्ययन प्रतिवेदन नगर प्रमुख धनराज आचार्यलाई बुझाएको छ । पोखरा…
सहारा बाल आधारभूतमा सहयोग

आदर्श समाज सम्वाददाता मंसिर २०, २०८१

पोखरा । पोखरा–९, शिवटोल बसपार्कस्थित सहारा बाल आधारभूत विद्यालयमा आधुनिक प्रविधिसहितको तातो–चिसो पानीको सुविधासहितको धारा सहयोग गरिएको छ । पोखरा…
कालिकामा इनोभेसन ल्याब

आदर्श समाज सम्वाददाता मंसिर २०, २०८१

पोखरा । पोखराको रामबजारस्थित कालिका माविले इनोभेसन ल्याब संचालनमा ल्याएको छ । यसबाट विद्यार्थीको प्रतिभा प्रस्फुटन एवं उनीहरुमा निहीत सिप…