पोखरा । पोखरामा साओमीको एक्सक्लुसिभ स्टोर खुलेको छ । पोखराका युवा उद्यमी मनोहर श्रेष्ठले साओमी कम्पनीसँगको सहकार्यमा पोखराको महेन्द्रपुलस्थित पुरानो हुलाक कार्यालय अगाडि साओमीको एक्सक्लुसिभ स्टोर सञ्चालनमा ल्याएका हुन् । श्रेष्ठ एलजी सो–रुम न्युरोडका सञ्चालक हुन् ।
स्टोरको आइतबार साओमीका आयात कार्यकारी निर्देशक सञ्जय अग्रवाल, साओमीका न्यु कन्ट्री म्यानेजर अमीतकुमार पण्डाले संयुक्त रुपमा उद्घाटन गरे । यो साओमीको नेपालभरकै १२ औं स्टोर हो भने गण्डकी प्रदेशको पहिलो स्टोर हो । स्टोरमा साओमीको रेड्मी, एमआई र पोको कम्पनीका मोबाइल र त्यसमा प्रयोग हुने एसेसरिजहरु राखिएका छन् । जहाँ ती कम्पनीका मोबाइलहरुको डिस्प्ले (प्रदर्शनी) गरिन्छ । यसमा उपभोक्ताले ती मोबाइलहरुको अवलोकन गर्ने, चलाएर अनुभव गर्न सक्ने जनाइएको छ ।
स्टोरमा रेड्मी, एमआई र पोको कम्पनीका मोबाइलहरु बिक्रीका लागि पनि राखिएका छन् । तर स्टोरमा खरिद गर्दा र डिलर तथा रिटेलरसँग खरिद गर्दाको मूल्य एउटै हुने सञ्चालक मनोहर श्रेष्ठले जानकारी दिए । ‘कम्पनीको नियमानुसार नै हामीले बाहिरको मूल्यसँग फरक नपर्नेगरी मोबाइलहरु बेच्छौं, बाहिर खरिद गर्दा र यहाँ खरिद गर्दा मूल्यमा फरक पर्दैन,’उनले भने । स्टोरमा न्यूनतम १३ हजारदेखि अधिकतम ९० हजारसम्मका मोबाइलहरु बिक्री तथा डिस्प्लेका लागि राखिएका छन् ।
स्टोरमा साओमीका टेलिभिजन सेटहरु पनि डिस्प्ले र बिक्रीका लागि राखिएका छन् । केही समयपछि साओमी कम्पनीका ल्यापटप पनि राखिने सञ्चालक श्रेष्ठले बताए । उनका अनुसार केही समयपछि मोबाइल एक्स्चेञ्जको सुविधा पनि स्टोरमा दिइनेछ ।
कम्पनीका आयात कार्यकारी निर्देशक सञ्जय अग्रवालले ग्राहकको सुविधालाई ध्यानमा राखेर पोखरामा स्टोर खोलिएको बताए । कम्पनीका न्यु कन्ट्री म्यानेजर अमीतकुमार पण्डाले कम्पनीलाई एक नम्बर पोजिसन बनाइरहन पोखराको स्टोरले भूमिका खेल्ने विश्वास व्यक्त गरे ।
Related News
सम्बन्धित समाचार
पोखरामा ‘विज्ञान, प्रविधि र नवप्रवर्तनका क्षेत्रमा देखापरेका प्रवृत्तिहरू’ सम्मेलन
साइबर अपराधविरुद्ध सचेतना
टिकटक बन्द गरे/नगरेकाबारे जवाफ दिन निर्देशन
साइबर सुरक्षासम्बन्धी कार्यशाला
प्रतिबन्ध कार्यान्वयनमा सघाउन आग्रह गर्दै टिकटकलाई प्राधिकरणको जवाफी पत्र
hero news full width
मुख्य समाचार
जलवायु परिवर्तन असर : मुस्ताङको स्याउ उकालो चढ्दै
त्रासैत्रासमा तंग्रिदै कागबेनी
वैशाख १४, २०८१मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१