पोखरा । पोखरा १७, हिमाली टोलमा कार्यालय रहने गरी स्थापित मानशा बहुउद्देश्यीय सहकारी संस्थाले विहीबारदेखि कारोबार शुभारम्भ गरेको छ ।
पोखरा १७, २१ र २२ कार्यक्षेत्र रहेको उक्त सहकारीको बिहीबार पोखरा २१ का वडाध्यक्ष खगराज आचार्यले उद्घाटन गरे । उनले आफ्नो वडाबासी लक्षित गरी स्थापित सहकारीले उद्देश्यमा सफलता प्राप्त गर्ने विश्वास लिंदै वडाबासीको हितमा र सहज सेवा प्रदान गर्न सुझाए । आचार्यले सहकारीलाई नाफामुखीभन्दा सेवामुखी बनाउन सुझाव दिंदै युवाको टिम भएकाले चाँडै गति लिने विश्वास व्यक्त गरे ।
संस्थाका अध्यक्ष गोविन्द देवकोटाले पोखराका ३ वडामा केन्द्रित रहने सहकारीले विभिन्न परियोजनामार्फत् रोजगारी र उत्पादनमा संलग्न हुने जानकारी दिए । सहकारीले पोखरा २१ मा टपरी उद्योग र डेरी उद्योगको योजना समेत अगाडि बढाएको उनले जनाए ।
कार्यक्रममा पोखरा १७ का वडा सदस्य तथा पोखरा महानगरपालिका सहकारी विभागकी सदस्य राधिका शाही योगी र मयुर बहुउद्देश्यीय सहकारी संस्थाका अध्यक्ष मीनराज खड्काले शुभकामना मन्तव्य राखेका थिए । कार्यक्रममा स्वागत संस्थाका उपाध्यक्ष छवि पनेरु र संचालन सचिव रमेश बास्तोलाले गरेका थिए । कार्यक्रम संयोजन कोषाध्यक्ष प्रकाश सुवेदीले गरेका हुन् ।
सहकारीको सेवा शुभारम्भ अवसरमामा रक्तदान कार्यक्रममा १८ जनाले रक्तदान गरे । वडाध्यक्ष आचार्यले सहकारीका सल्लाहकार शिवप्रसाद सापकोटालाई व्लड ब्याग हस्तान्तरण गरी कार्यक्रम उद्घाटन गरेका थिए ।