नवलपरासी । पश्चिम नवलपरासीको सीमावर्ती क्षेत्रमा नेपाली भूमि डुबान हुने गरी बनाउँदै गरेको सडक निर्माण कार्यको नेपाली पक्षद्वारा विरोध जनाएको छ ।
अन्तर्राष्ट्रिय मान्यताविपरीत नेपाली भूमि एवं बस्ती डुबान हुने गरी भारतले दशगजा नजिकै बनाइरहेको सडक र त्यसको प्रभावको विषयमा बुझ्न नवलपरासीका प्रमुख जिल्ला अधिकारीसहित सुरक्षा निकायका अधिकारीले अनुगमनसमेत गरेका छन् ।
प्रमुख जिल्ला अधिकारी धर्मेन्द्रकुमार मिश्राका अनुसार नेपालको चुरे पहाडबाट दक्षिण भारततर्फ बग्ने नदीनालाको बहाव रोकिने गरी भारतले दशगजादेखि करिब १० मिटर दुरीमा पश्चिमदेखि पूर्वतर्फ ४ लेनको सडक निर्माण गरिरहेको छ ।
यसरी बनाइरहेको सडक पश्चिम भारतको सिद्धार्थनगर (कपिलबस्तु पारी), महाराजगञ्ज हुँदै अहिले नवलपरासीको दक्षिणपारीतर्फ पुर्याएको छ । अन्तर्राष्ट्रिय मापदण्डविपरीत बनाउँदै गरेको यो सडकले नेपालतर्फ नवलपरासीका दर्जनौ गाउँबस्तीसहित सयौं विगाहा खेती योग्य जमिन डुबानमा पर्ने छन् ।
यो सडक निर्माणले नेपाललाई ठूलो क्षति हुने भन्दै नेकपा एमाले नवलपरासीले प्रजिअमार्फत प्रधानमन्त्रीसमक्ष ज्ञापनपत्र बुझाएपछि यो विषय सतहमा आएको थियो ।
सोमबार प्रमुख जिल्ला अधिकारीको नेतृत्वमा जिल्लाका सशस्त्र र नेपाल प्रहरीका अधिकारीसहितको टोलीले संयुक्तरुपमा यस सडकको निरीक्षण गरेको छ ।
नेपाली भूमि डुबान हुने गरी बनाउँदै गरेको सडकको निर्माण र यसले नवलपरासीलाई पर्ने असरप्रति नेपालको आपत्ति रहेको भारतको महाराजगञ्जका प्रमुख जिल्ला अधिकारी (डिएम) सत्यन्द्र कुमारलाई बताइएको नवलपरासीका प्रमुख जिल्ला अधिकारी मिश्रले बताए ।
महाराजगञ्जका सहायक प्रमुख जिल्ला अधिकारी (एसडिएम) सत्यप्रकाश मिश्रा, सडक निर्माण गरिरहेको संस्था पिडब्लुडीका प्रमुख लगायतसँग कुराकानी भएको बताएको मिश्रले जनाए ।
नेपालका दर्जनौैं गाउँ डुबानमा पर्ने गरी बनाइएको यो सडकको उचाइ एउटा बाँधको जस्तै करिब ६ फिटको उचाइ रहेको छ । उत्तरबाट बग्ने खोला, नाला झरना लगायतको पानी बग्ने गरी आवश्यक स्थानमा कल्भर्ट, साइफन नराखी बनाइएको यो सडकका कारण नवलपरासीको पाल्हीनन्दन, सरावल एवं सुस्ता गरी ३ गाउँपालिकाका करिब २ दर्जन गाउँ बस्ती एवं हजाराैं बिगाहा खेत डुबानमा पर्ने छन् ।
Related News
सम्बन्धित समाचार
निसीखोला दुर्घटनाका घाइते भन्छन्- चालकको लापरबाहीले दुर्घटना भयो
सहकारी प्रकरणमा गृहमन्त्री लामिछाने दोषी प्रमाणित भए कारबाही गर्नेे प्रधानमन्त्रीको प्रतिबद्धता
पोखराको काहुँडाँडामा भीषण आगलागी
बागलुङको निसीखोलामा बस दुर्घटना हुँदा ७ को मृत्यु, २० घाइते
मनाङेले लिए मन्त्रीको सपथ, टिक्ला पाण्डे सरकार ?
hero news full width
मुख्य समाचार
दीपक मनाङेलाई भाैतिक मन्त्रालय
चौथो पटक मन्त्री बन्दै दीपक मनाङे, आजै शपथ खुवाउने तयारी
चैत्र ५, २०८०सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
चैत्र ५, २०८०गण्डकीका नयाँ प्रदेश प्रमुख भट्टले सम्हाले पदभार
चैत्र ४, २०८०विश्व पर्यटन बजारमा पोखराको ‘ब्राण्डिङ’ हुन्छ : मुख्यमन्त्री पाण्डे
चैत्र ४, २०८०बाबुरामलाई संसद सचिवालयले भन्यो : महिन्द्रराय र उमरावती माओवादीकै सांसद
चैत्र ४, २०८०