उपकारको वार्षिकोत्सवमा रक्तदान र सम्मान

आदर्श समाज सम्वाददाता
माघ ७, २०७८
upakar~

पोखरा । उपकार बचत तथा ऋण सहकारी संस्था पोखरा–६, बैदामको शुक्रबार १३ औं वार्षिकोत्सव अवसरमा रक्तदान कार्यक्रम भएको छ । कार्यक्रममा ४२ जनाले रक्तदान गरे ।
यस्तै, सहकारीले फेवाताल संरक्षणमा योगदान पुर्‍याउने २ संस्थालाई ५ हजार रुपैयाँ नगद सहित सम्मान गर्‍यो । सम्मानित संस्थामा फेवाताल संरक्षण पहल प्रवासी नेपाली मञ्च र प्रोजेक्ट नेचर नेपाल रहेका छन् ।
कार्यक्रममा पोखरा–६ का वडा सदस्य हरिकृष्ण पहारीले सम्मानपत्र प्रदान गरेका थिए । उनले सहकारीबाट ताल संरक्षणमा हौसला प्रदान गर्दै सम्मान कार्य भएकोमा बधाई ज्ञापन गरे ।
नेपाल रेडक्रस सोसाइटी कास्कीमा उपसभापति डण्डराज शर्माले रक्त अभाव सदा अड्किरहने भन्दै कोरोना महामारीबीच अरु कार्यक्रम रोकिए पनि रक्तदान कार्यक्रम रोक्न नमिल्ने बताए ।
स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोला, संस्थाका सल्लाहकार फत्तबहादुर हिस्की, फेवाताल संरक्षण पहल प्रवासी नेपाली मञ्चका अध्यक्ष धर्मराज पहारी, प्रोजेक्ट नेचर नेपालका सदस्य सन्तोष बराल लगायतले मन्तव्य राखेका थिए ।
२०६५ सालमा स्थापना भएको उपकार सहकारीका ३ हजार ७ सय २६ सदस्य छन् । संस्थाको पुस मसान्तसम्म निक्षेप ३३ करोड ९३ लाख ४४ हजार, कर्जा ३९ करोड ९३ लाख ८ हजार र नाफा १ करोड १ लाख ८३ हजार रहेको व्यवस्थापक विश्व घिमिरेले जानकारी दिए ।
यसैगरी संस्थाले वार्षिकोत्सव अवसरमा तालवाराही माविका ११ जना जेहेनदार विद्यार्थीलाई झोला, स्विटर र स्टेसनरी सामग्री वितरण गरिएको थियो ।
संस्थाका अध्यक्ष सूर्यनाथ पहारीको अध्यक्षतामा भएको उक्त कार्यक्रममा उपाध्यक्ष तथा कार्यक्रम संयोजक दुर्गा पहारीले स्वागत र सहसचिव कृष्णकुमारी घिमिरे पौडेलले सञ्चालन गरेकी थिइन् ।

Related News

सम्बन्धित समाचार

  • आकस्मिक रक्तदानमा ५३ युनिट रगत

    आदर्श समाज सम्वाददाता जेठ १४, २०७९
    पोखरा । पोखरा जेसिजले गरेको आकस्मिक रक्तदानमा ५३ युनिट रगत संकलन भएको छ । पोखरा जेसिजका अध्यक्ष मीनराज खड्काले मादी…
  • गोरखा र बागलुङका ४ विद्यालयमा कम्प्युटर ल्याब

    आदर्श समाज सम्वाददाता जेठ १४, २०७९
    पोखरा । कर्मफ्लाइट्स फाउन्डेसन नेपाल कास्कीले एडटेक नेपालको सहकार्यमा गोरखा र बागलुङका ४ विद्यालयमा कम्प्युटर ल्याब स्थापना गरेको छ ।…
  • चिल्ड्रेन नेपालको उद्घोषणकला तालिम

    आदर्श समाज सम्वाददाता जेठ १४, २०७९
    पोखरा । बालबालिकाको क्षेत्रमा काम गर्दै आएको चिल्ड्रेन नेपालको आयोजनामा उद्घोषण तालिम सञ्चालन गरेको छ । एसइई दिएर बसेका किशोर…
  • ज्येष्ठ नागरिकलाई स्वास्थ्य बिमामा ५० प्रतिशत छुट

    आदर्श समाज सम्वाददाता जेठ १४, २०७९
    पोखरा । पोखरा वडा २४ ले ६० वर्षदेखि ७० वर्ष उमेर समूहका ज्येष्ठ नागरिकको स्वास्थ्य बिमामा ५० प्रतिशत छुट दिने…
  • पढ्न वञ्चितलाई निशुल्क भर्ना

    आदर्श समाज सम्वाददाता जेठ १४, २०७९
    पोखरा । पोखरा–१० का नवनिर्वाचित वडाध्यक्ष राजेश गुरुङले स्कुल जान नसक्ने बालबालिकालाई सामुदायिक विद्यालयमा भर्ना अभियान सुरु गर्ने पहिलो निर्णय…

hero news full width