Worldlink ads

सप्तरंग साँझ आज

आदर्श समाज सम्वाददाता
पौष ९, २०७८
saptarang

पोखरा । टिभिएस रेडर सप्तरंग–३ को देश दौडाहामा निस्केको सांगीतिक कार्यक्रम पोखरामा शुक्रबार हुँदैछ । पोखराको अमरसिंह चौरमा साँझ ५ बजेदेखि हुने सो कार्यक्रम पूर्व कलाकार सम्मिलित ¥यालीसमेत निस्कने छ । देशका अन्य प्रदेशमा सांगीतिक कार्यक्रमको सफलतासँगै गण्डकी प्रदेश राजधानी पोखरामा कार्यक्रमसँगै यो सांगीतिक कार्यक्रमको समापन हुने छ ।
नेपाल समुदाय प्रहरी साझेदारी कार्यक्रमसँगको सहकार्यमा भइरहेको उक्त कार्यक्रमको लागि आवश्यक तयारी पूरा भएको स्थानीय आयोजक बार्दली मिडियाका निर्देशक मन क्षत्रीले बताए । देशका ख्यातिप्राप्त कलाकारको बेजोड सांगीतिक कार्यक्रम निशुल्क हेर्न पाइने भएपछि आयोजकले दर्शकको उपस्थिति ठूलो संख्यामा हुने पनि अपेक्षा गरेको छ ।
सप्तरंगमा अभिनेता राजेश हमाल, गायक रामकृष्ण ढकाल, रामकृष्ण ढकाल, प्रमोद खरेल, बद्री पंगेनी, मिलन नेवार, अनिल सिंह, अस्मिता अधिकारी, सन्दीप क्षेत्रीको प्रस्तुति रहनेछ । सप्तरंगको टोली मंसिर २४ देखि देश दौडाहामा निस्केको हो । यसअघि सो टोलीले प्रदेश १ को काकडभिट्टादेखि सुदूरपश्चिम प्रदेशसम्ममा आफ्नो सांगीतिक कार्यक्रम पस्किसकेको छ । पोखराको प्रस्तुतिसँगै यो वर्षको लागि तेस्रो संस्करणको समापन गरिने ग्रिस्मा ब्रोर्डकास्टिङ प्रमुख गृहेन्द्र घिमिरेले जानकारी दिए ।

राजेश हमालदेखि अस्मिता अधिकारीको प्रस्तुति रहनेछ

कार्यक्रम प्रवद्र्धकमा गण्डकी प्रदेश सरकार, पोखरा महानगरपालिका, गण्डकी प्रज्ञा प्रतिष्ठान, पोखरा टुरिजम बोर्ड हो । त्यस्तै, सहयोगीमा बेकन एजुकेसन, भिबोन फर्निचर, मेडिप्लस अस्पताल, पोखरा बस व्यवसायी, पृथ्वी बस व्यवसायी, कफीघर, कस्मिक कम्प्युटर, परिचय एड्भरटाइजिङ, एसके साउन्ड, होटल तुलिप पोखरा इन, डुंगा रेस्टरेन्ट र नर्थ बिच रेस्टुरेन्ट छन् । कार्यक्रममा गण्डकीका मन्त्री, पोखरा महानगर कार्यवाहक प्रमुख, प्रदेश प्रहरी प्रमुख लगायत उच्च पदस्थ व्यक्तिको समेत सहभागिता रहने बार्दली मिडियाका निर्देशक मन क्षत्रीले बताए । करिब ३ घण्टासम्म चल्ने गरमागरम सो सांगीतिक कार्यक्रमले पुसको ठण्डी बिर्साउने छ ।
टिभीएस रेडरले ६५०० आरपिएममा ११.५ एनएम टर्क र ८००० आरपिएममा १२.९ पीएस अधिकतम शक्ति उत्सर्जन गर्ने क्षमता राख्छ ।

Related News

सम्बन्धित समाचार

    • उपकारको वार्षिकोत्सवमा रक्तदान र सम्मान

      आदर्श समाज सम्वाददाता माघ ७, २०७८
      पोखरा । उपकार बचत तथा ऋण सहकारी संस्था पोखरा–६, बैदामको शुक्रबार १३ औं वार्षिकोत्सव अवसरमा रक्तदान कार्यक्रम भएको छ ।…
    • सहारा एकेडेमीको अक्षयकोषमा १५ लाख सहयोग

      आदर्श समाज सम्वाददाता माघ ५, २०७८
      पोखरा । सहारा क्लब पोखराले सञ्चालन गर्दै आएको सहारा एकेडेमीको अक्षयकोषमा रकम संकलन भएको छ । अक्षयकोषका लागि क्लब र ओएभिएस…
    • कोरोनाले लोककवि अलिमियाँ फुटबल प्रतियोगिता स्थगित

      आदर्श समाज सम्वाददाता माघ १, २०७८
      पोखरा । कोरोना महामारीको प्रभावका कारण तेस्रो लोककवि अलिमियाँ स्मृति खुला सेभेन ए साइड फुटबल प्रतियोगिता स्थगित भएको छ। आयोजक…
    • ज्येष्ठ नागरिकको स्वास्थ्य परीक्षण

      आदर्श समाज सम्वाददाता पौष २७, २०७८
      हेमजा । पोखरा हेमजा निवासी ज्येष्ठ नागरिक स्वास्थ्य परीक्षण गरिएको छ । वडास्तरीय ज्येष्ठ नागरिक समितिले विशेष भेलाको आयोजना गरी…
    • प्रहरीद्वारा मास्क वितरण

      आदर्श समाज सम्वाददाता पौष २७, २०७८
      पोखरा । पोखराको तुल्सीघाटस्थित अस्थायी प्रहरी बिटका प्रहरी तथा समाजसेवीको सहयोगमा १ हजार ५ सय मास्क वितरण गरिएको छ ।…

    hero news full width