पोखरा । नेपाली कांग्रेसकाे अधिवेशन अन्तगर्त गण्डकी प्रदेशमा अहिले मनाेनयन दर्ता प्रक्रिया चलिरहेकाे छ । कास्की पार्टी कार्यालय चिप्लेढुंगामा अहिले नेता तथा कार्यकर्ताकाे भीड लागेकाे छ ।

यसैबीच ४ आका‌ंक्षीकाे व्यवस्थापन गर्दै सभापतिकाे उम्मेदवार चयन गरेकाे पाैडेल समूहले ढिलाे गरी पदाधिकारीका उम्मेदवार छानेकाे छ ।

सभापतिमा हिजाे नै शुक्रराज शर्माकाे नाम नेता रामचन्द्र पाैडेलले घाेषणा गरेका थिए । उपसभापतिमा बागलुङका हरिकुमार श्रेष्ठ र स्याङ्जाकी कल्पना तिवारी, महामन्त्रीमा नवलपुरका विष्णु लामिछाने र गाेरखाका किरणबाबु श्रेष्ठले उम्मेदवारी दर्ता गराएका छन् ।

सहमहामन्त्रीमा पर्वतका रामचन्द्र जाेशी, लमजुङका रमेश पाण्डे र महिला सहमहामन्त्रीमा कास्कीकै काेपिला रानाभाट पाैडैल समूहका उम्मेदवार हुन् ।

सभापति देउवा समूहले पर्वतका अर्जुन जाेशीकाे नेतृत्वमा टिम घाेषणा गरेर चुनावमा हाेमिएकाे छ ।

उपसभापतिमा स्याङ्जाका मेखलाल श्रेष्ठ र म्याग्दीका नेत्र महत, महामन्त्रीमा गोरखाका ईश्वर पाण्डे र कास्कीका कुमार खड्का तथा सहमहामन्त्रीमा गोरखाका राजनराज पन्त, तनहुँका झुलबहादुर आले र नवलपुरकी ओमकला गौतमलाई उम्मेदवार बनाएको छ ।