पोखरा । महाधिवेशनको तयारीअन्तर्गत जिल्ला अधिवेशन करिब सकिने चरणमा छन् । गण्डकीमा नवलपुर र बागलुङबाहेक सबै जिल्लाको नतिजा आइसकेको छ । नवलपुरमा अधिवेशन नै स्थगित गरिएको छ । बागलुङमा दोस्रो पटकको मतदान हुँदै छ ।
जिल्ला सभापतिलाई मात्रै हेर्दा सभापति शेरबहादुर देउवा वरिष्ठ नेता रामचन्द्र पौडेल भन्दा बलियो बनेका छन् । गोरखा भने दुवै नेताभन्दा फरक नेतृत्व छ । नन्दप्रसाद न्यौपाने गगन थापासँग नजिक छन् । मनाङ, कास्की, लमजुङ, स्याङ्जा, पर्वत र म्याग्दीमा देउवा पक्षका सभापति बने । मुस्ताङमा पौडेल पक्षका सभापति छन् ।
अब मंसिर १६ गतेदेखि प्रदेश अधिवेशन सुरु हुँदै छ । प्रदेशको सभापतिमा उम्मेदवारी दिनेहरु आ–आफ्नो घोषणा गरिरहेका छन् । हालसम्म कास्कीका नेता देवराज चालिसे र तनहुँका रघुनाथ पौडेलले घोषणा गरिसकेका छन् । शुक्रराज शर्माले पनि सामाजिक उम्मेदवार बन्ने सन्जालमार्फत बताएका छन् । आइतबार बिहान मुख्यमन्त्री निवास पुगेर फर्केपछि उनले सामाजिक सञ्जालबाट उम्मेदवारी घोषणा गरेका हुन् ।
तीनैजना पौडेल समूहका हुन् । पौडेल पक्षबाट यज्ञबहादुर थापा र मुख्यमन्त्री कृष्णचन्द्र नेपाली पोखरेलसमेत सभापतिका आकांक्षी हुन् ।
स्रोतका अनुसार अन्तिम अवस्थामा पोखरेललाई पौडेल समूहको टिकट जाने बुझिएको छ । देउवा प्यानलबाट सभापतिमा अर्जुन जोशीको नाम चर्चामा छ । यद्यपि उक्त समूहबाट कसैले उम्मेदवारी घोषणा गरिसकेका छैनन् । तर महामन्त्रीमा भने दुवै पक्षका नेताहरुको घोषणा छ । सामाजिक विकास मन्त्री मेखलाल श्रेष्ठसहित कास्कीका निवर्तमान सभापति कृष्ण केसी, नवलपुरका सभापति विष्णुप्रसाद लामिछाने, गोरखाका राजनराज पन्त, दीपकबाबु कँडेल, ईश्वर पाण्डे, किरणबाबु श्रेष्ठ लगायत दाबेदार छन् । यद्यपि अन्तिममा २ प्यानलबीच मात्रै प्रतिस्पर्धा हुने सम्भावना छ ।
यसैबीच, तनहुँका नेता रघुनाथ पौडेलले आइतबार पत्रकार सम्मेलन गरी सभापतिमा उम्मेदवारी दिने बताएका छन् । ‘१५ वर्ष म पार्टीको सभापति भएर काम गरें । कुनै लाभको पदमा गइन । अहिले पार्टीलाई जनस्तरमा पु¥याउनुपर्ने छ । म प्रदेश सभापति बन्छु,’ उमेरले ७० टेकेका पौडेलले भने, ‘युवा भनेर मात्रै नहुँदो रहेछ । काम गर्ने दक्षता चाहिने रहेछ । म उमेर धेरै भए पनि काम गर्न काबिल छु ।’
आफ्नो उम्मेद्वारीमा वरिष्ठ नेता पौडेल र महामन्त्री डा. शशांक कोइरालासँग पनि छलफल भइसकेको उनले बताए । ‘म उठ्छु भनेपछि रामचन्द्र दाइले निर्णय गर्दै गरौंला प्रचार थाल्नु भन्नुभएको छ । शशांकसँग पनि सोधें । उहाँले पनि मिलेर जाउँला । सचिवालय बनाएर काम गर्नु भन्नुभयो,’ उनले थपे । उनले माथीबाटै नेतृत्व पुस्तान्तरण नहुँदा नेताहरु ‘डम्प’ भएको बसेको सुनाए । प्रदेश संरचनामा सभापति १ जना, उपसभापति र महामन्त्री २÷२ जना, सहमहामन्त्री महिलासहित ३ जना हुने व्यवस्था छ । कोषाध्यक्ष भने निर्वाचित सदस्यबाट मनोनीत गरिनेछ ।
मंसिर १६ गते अधिवेशन उद्घाटन हुने भए पनि मनोनयन भने १५ गते नै राखिएको छ । १७ गते निर्वाचन कार्यक्रम हुनेगरी कार्यक्रम तय गरिएको । प्रदेश अधिवेशनका लागि नेता गोपालमान श्रेष्ठको संयोजकत्वमा समिति बनाइएको छ । श्रेष्ठको आह्वानमा शनिबार बसेको बैठकले अधिवेशनका लागि आर्थिक, व्यवस्थापना, आतिथ्यता लगायत उपसमिति गठन गरिएको छ । सबैभन्दा महत्वपूर्ण मानिएको आर्थिक उपसमितिको जिम्मा पोखरा महानगरका निवर्तमान अध्यक्ष बजिरमान श्रेष्ठले पाएका छन् ।
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१