दमौली । विभिन्न शंका र उपशंका चिर्दै नेपाली कांग्रेस तनहुँको सभापतिमा जीतप्रकाश आले निर्वाचित भएका छन् ।
हालकै सभापति बैकुण्ठ न्यौपानेले जित्ने दावीका बीच भीमादका जीतप्रकाश आलेले कांग्रेस तनहुँमा केही समययता दह्रो पकड बनाएका न्यौपानेलाई पराजित गर्दै अप्रत्यासित नतिजा निकाले ।
दुवै पक्षले एक अर्काले करिब डेढ सय मतान्तरले चुनाव जित्ने दावी गरिरहँदा आलेले शुरुवातदेखि नै निरन्तर लिड गरेर नसोचेको परिणाम दिएका हुन् ।
क्षेत्र १ को मतान्तर, दुवै प्रदेशको चुनाव जितेको पौडेल प्यानलको मतको बल अनि सभापति हुँदाको प्रभावका आधारमा न्यौपानेले थोरै मतान्तरले जित्ने आशंका गरिए पनि केन्द्रमा प्रभाव जमाएका हस्तीहरु शंकर भण्डारी, गोविन्द भट्टराई र मास्टरमाइण्ड भनेर जिल्लाको राजनीतिमा चिनिने ध्रुव वाग्लेको साथ पाएका आलेले क्षेत्र २ मा आफ्नो प्यानलले जमाएको पकडका आधारमा चुनाव जिते ।
हार्ने अवस्थामा न्यौपाने चुनाव नलड्ने ठानिए पनि चुनावी अंकगणितमा १ सय मतले भए पनि जित्ने आन्तरिक आंकलनका आधारमा चुनाव लडेका थिए ।
आलेलाई भने क्षेत्र २ को खमा बनेको सर्वसम्मति, स्थानीय नेता राजेन्द्रकृष्ण श्रेष्ठसमेतको साथ अनि मगर बहुल मतका आधारमा चुनाव जित्ने आत्मविश्वासलाई केन्द्रका माथि उल्लेखित हस्तीले दिएको दह्रो साथ नै चुनाव जित्ने कारण बन्न पुग्यो ।
जिल्लामा दुवै क्षेत्रमा गरी १ हजार ७ सय ८१ जनाले मतदान गरेका थिए ।
दमाैली न्युजबाट
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१