Worldlink ads

सहमतिपछि बेनी अस्पतालका कर्मचारी काममा फर्किए

साधन राम्जाली
असाेज २१, २०७८
chikitsak

म्याग्दी । बुधबार बिहानदेखि तलबको माग गर्दै बेनी अस्पतालमा आन्दोलनरत चिकित्सक, स्वास्थ्यकर्मी र कर्मचारी काममा फर्किएका छन् । साँझ अन्दोलनरत पक्ष र अस्पताल प्रशासनबीच रोकिएको ३ महिनाको तलब उपलब्ध गराउने सहमति भएपछि आन्दोरत पक्ष नियमित काममा फर्किएको अस्पतालका मेडिकल सुपरिटेण्डन्ट डाक्टर जितेन्द्र कँडेलले जानकारी दिए ।
उनका अनुसार समस्या समाधानका लागि आन्दोलनरत पक्ष, अस्पताल प्रशासन, जिल्ला प्रशासन कार्यालय, प्रदेश सरकारले पठाएका लेखापाल नारायण सुवेदी र कोष तथा लेखा नियन्त्रक कार्यालयका प्रतिनिधिबीच छलफल भएको थियो । अस्पतालमा कार्यरत १२४ चिकित्सक, स्वास्थ्यकर्मी र कर्मचारीहरुको असारदेखि रोकिएको तलब भत्ता बिहिबार बिहानसम्म उपलब्ध गराउने सहमति भएको हो ।
आन्दोलनका कारण अस्पतालमा इमर्रजेन्सी शाखा बाहेकका सबै सेवा बन्द भएको थियो । सेवा अवरुद्ध हुँदा अस्पतालमा उपचार सेवा प्रभावित भएको थियो । औषधी उपचार र प्रशासनिक काम ठप्प पारेर उनीहरु आकस्मिक कक्ष अगाडि धर्ना बसेका थिए ।
बहिरंग, ल्याब, आँखा उपचार लगायत औषधी सम्बन्धी सेवाका साथै प्रशासनिक काम ठप्प पारेर आन्दोलनमा उत्रिएका थिए ।

Related News

सम्बन्धित समाचार

    hero news full width

    Jewellery

    sanil ads

    wordlink ads