दमौली । गुणादीका ८२ वर्षीय गुरुनाथ चन्द्र खनाल हरेक दिन ज्येष्ठ नागरिक मिलन केन्द्र, दमौली पुग्ने गर्छन् । व्यास ३, पञ्चमन्दिरको आडमा रहेको सो केन्द्रमा उनको लागि आफ्नै उमेर समूहका साथीभाइसँग भेटघाट गर्ने, सुखदुख साटासाट गर्ने थलो बनेको छ ।
नजिकका साथीभाइ एकै थलोमा भेट हुँदा भजन कीर्तन गर्ने, नाचगान गरेर उनले दिन समय बिताउँछन् । ‘घरमा एक्लै बस्दा न्यास्रो लाग्थ्यो । यहाँ आउँदा रमाइलो हुन्छ । दिन बितेको पत्तै हुन्न,’ खनालले भने ।
धेरैजसो ज्येष्ठ नागरिक घरमा नातिनातिना खेलाउने, उनीहरुको रेखदेख गर्ने, छोराबुहारी कामधन्दामा जाँदा घर कुरेर बस्ने काम हुन्छ । कुनै योजना नहुँदा घरमा त्यसै बित्ने समय ज्येष्ठ नागरिक सेवा केन्द्रले नयाँ अवसर सिर्जना गरेको छ । ‘एक्लै बस्दा मन डुल्ने गर्छ । विगतको सम्झना आउँछ । यसरी डुल्ने मनलाई शान्त पार्न मिलन केन्द्र आउने गरेको छु,’ स्थानीय ज्येष्ठ नागरिक देवनारायण कायस्थले बताए ।
‘छोराछोरी घरमा छैनन् । कतिपय विदेशमा छन् । धेरैजसोका छोराछोरी रोजगारीको लागि घर बाहिर बस्दै आएका छन् । यसरी घरमा कोही नहुँदा कुरा गर्ने मान्छे अर्थात साथी नहुँदासमेत दिन बिताउन गाह्रो पर्ने गरेको छ । यस्तो अवस्थामा यहाँ आएर भुल्ने गरेको छु,’ स्थानीय नारायणप्रसाद लौडारीले भने, ‘यहाँ कुरा गर्ने साथीहरु समेत भेट हुने, सुखदुुखका कुरा साटासाट गर्ने माध्यम बनेको छ ।’
मिलन केन्द्रमा भजनकीर्तनदेखि ज्येष्ठ नागरिक दिवा खाजाको व्यवस्था मिलाइएको अध्यक्ष शालिकग्राम गिरीले बताए । उनले भने, ‘दैनिक ५० देखि ८० जना हाराहारीमा ज्येष्ठ नागरिक आउने गर्नुहुन्छ । अहिले कोरोनाले गर्दा आसपासका मात्र आउनु भएको छ ।’
उनका अनुसार दिवा सेवा केन्द्रलाई सिकाइ केन्द्र बनाउन थालिएको छ । गिरी भन्छन्, ‘ज्येष्ठ नागरिक दिवा सेवा केन्द्रलाई मनोरञ्जन गर्ने थलोरुपमा मात्रै नभई सिकाइ केन्द्रको रुपमा विकास गर्नुपर्ने आवश्यकता छ ।’ हुन पनि हो, जीवनको लामो दूरी पार गरेका ज्येष्ठ नागरिकको गहिरो अनुभव, सिकाइ, सीप र दक्षता हस्तान्तरण गर्नमा यस खालका केन्द्रले सघाउ पुर्याउने निश्चित छ ।
Related News
सम्बन्धित समाचार
गण्डकीमा थुप्रिए रुग्ण र समस्याग्रस्त योजना
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
लोकतान्त्रिक आन्दोलनका जिउँदा सहिद खगेन्द्र सर
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
मातहतका कार्यालयको दैनिक प्रगति पेस गर्न मुख्यमन्त्री अधिकारीको निर्देशन
hero news full width
मुख्य समाचार
धानको लोपोन्मुख प्रजाति संरक्षण गरिँदै
सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१बलात्कार मुद्दामा सन्दीप लामिछानेले पाए सफाइ
जेठ २, २०८१व्यास नगरपालिकामा मेयर चुनावको पुन मतगणना गर्न आदेश
जेठ २, २०८१पोखरामा बुद्ध जयन्तीको सप्ताहव्यापी कार्यक्रम
जेठ २, २०८१