पोखरा । संगम बचत तथा ऋण सहकारी संस्थाले २१ औं स्थापना दिवसमा विभिन्न विधामा उत्कृष्ट सदस्यलाई सम्मान गरेको छ । सो अवसरमा बिस्तारित मञ्च र स्वस्थ्य सचेतनाको समेत भयो ।

दीर्घकालीन बचतमा सम्झना पौडेल गौतम, ज्येष्ठ सदस्य बचतमा श्यामकुमार कुँवर, दैनिक बचतमा पदमराज लम्साल, बालबचतमा जेशन विश्वकर्मा, ऋण कारोबारीमा रुकमाया कुँवर र सुझावकर्तामा हरिहर पराजुली उत्कृष्ट भए । यस वर्षको उत्कृष्ट सञ्चालक धनराज पुरी, उत्कृष्ट उपसमिति संयोजक / सदस्य तिलक थापा र उत्कृष्ट कर्मचारी धनमाया दुरा भए ।

पोखरा महानगरपालिका लेखा समिति सदस्य एवं वडा १५ का सदस्य बलराम पौडेललगायतले उनीहरुलाई नगद, प्रशंसापत्र प्रदान गर्दै संगम वडा १५ कै गर्व गर्न लायक सहकारी भएको बताए । लेखा संयोजक भोविन्द्र गिरीले संस्थाको सबै कामहरु पारदर्शी भएकोमा खुसी व्यक्त गरे ।

पोखरा स्वास्थ्य विज्ञान प्रतिष्ठानका सप्रा डा हरि पौडेलले दुखाई रोग हो र यसको उपचार हुन्छ भन्ने सबैले बुझ्न जरुरी छ भन्दै समस्या भएकाहरुले बेलैमा चिकित्सकको परामर्श लिन अनुरोध गरे । नवराज तिवारीको अध्यक्षतामा भएको कार्यक्रममा नीरज थापा, बुद्धिमान थापा, धनराज पुरी, बृहस्पति अधिकारी, खडानन्द तिमिल्सिना, संगीता केसी र हरिहर पराजुलीले शुभकामना दिएका थिए ।