पर्वत । निजामती सेवा दिवश २०७८ को अवसरमा पर्वतमा आयोजित निबन्ध प्रतियोगिताका बिजेताहरुलाई पुरस्कार बितरण गरिएको छ । व्यवसायीक तथा सृजनशिल प्रसासन–बिकास समृद्धि सुसासन बिषयक निबन्ध लेख्न प्रतियोगितामा कुस्मा नगरपालिकाको स्थानीय प्रसासन सेवामा कार्यरत्त सिर्जना शर्मा प्रथम,चेत कुमारी शर्मा द्धितिय र सुनिता अधिकारी तृतिय हुन सफल भए । बिजेता तीनै जनालाई आज निजामती सेवा दिवशको अवसरमा नगद र प्रमाण पत्रले पुरस्कृत गरिएको हो । सो अवसरमा बोल्दै कार्यक्रमका अध्यक्ष तथा कुस्मा नगरपालिकाका प्रमुख प्रसासकिय अधिकृत कुमानसिहं गुरुङले समय सापेक्षित बिषयलाई निबन्ध माफर्त उजार्गर गर्न खोजेको बताउँदै सरकारी सेवामा रहेका कर्मचारी इमान्दार,कर्तव्यनिष्ठ,कामप्रति बफदार हुनु अुनरोध गरे । उनले निजामति कर्मचारी राज्यका संवाहक रहेको भन्दै सवैलाई यसै अवसरमा शुभकामना दिए । निजामती सेवा दिवशको अवसरमा कुस्मा नगरपालिका,लायन्स क्लव र निजामती सेवाका कर्मचारीहरुको समन्वयमा बृक्षरोपण कार्यक्रम गरेको समेत बताए । कार्यक्रमको संचालन कुस्मा नगरपालिकाका सुचना अधिकारी ध्रवराज पौडेलले गरेका थिए ।