बेगनासमा सहिद इन्दिरा स्मृति गेट

आदर्श समाज सम्वाददाता
श्रावण ५, २०७८
sahid smrit gate

पोखरा । पोखरा महानगरपालिका वडा नं ३१ बेगनास भञ्ज्याङमा सहिद इन्दिरा तिवारी (ज्योति) को सम्झनामा सहिद स्मृति गेट निर्माण गरिएको छ । सोमबार सहिद इन्दिराको १९औं स्मृति दिवसको अवसरमा नेकपा माओवादी केन्द्र पोखरा ३१ ले आयोजना गरेको कार्यक्रमबीच नेकपा माओवादी केन्द्रका युवा नेता एवं गण्डकी प्रदेश सभाका सदस्य दीपक कोइरालाले गेट उद्घाटन गरे । गण्डकी प्रदेश सभाको अर्थ तथा विकास समितिका सभापतिसमेत रहेका कोइरालाले देशमा भएका महत्वपूर्ण राजनीतिक परिवर्तन सहिदको योगदानका कारण भएको बताए ।
जनयुद्धका सहिदलाई पुष्पकमल दाहाल प्रधानमन्त्री हुँदा सरकारले राष्ट्रिय सहिद घोषणा गरे पनि राजपत्रमा प्रकाशित गर्न छुटेकाले कार्यान्वयन हुन नसकेको उनको भनाइ थियो । सांसद कोइरालले निर्वाचन क्षेत्र पूर्वाधार विकास कार्यक्रम अन्तर्गत आफूले ५ लाख बजेट विनियोजन गरी अहिले गेट र सहिद पार्कमा टस्ट निर्माण गरिएको उल्लेख गरे ।
नेपाल कम्युनिस्ट पार्टी माओवादी कास्की सचिव बखानसिंह तमुले इन्दिरा तिवारीसँगको सहकार्यको स्मरण गरे । बखानले पार्टी कामको सिलसिलामै हिँड्दै गर्दा स्याङ्जाको आँधीघाट कुवाकोटमा सेनाले नियन्त्रणमा लिएर २०५९ साउन ४ गते इन्दिरा र लक्ष्मी गुरुङको हत्या गरेको र अन्य ३ जना सेनाको घेरा तोडेर भाग्न सफल भएको बताए ।
माओवादी केन्द्रका प्रदेश नेता एवं संविधानसभा सदस्य तेजकुमारी पौडेलले देशको आमूल परिर्वतनका लागि लडेर सहिद भएका पनि पार्टीका सहिदको रुपमा हेरिँदा दुख लाग्ने गरेको बताइन् । देश परिर्वतनका लागि लडेको महान् सहिदहरु सबै पार्टी र देशकै सहिद हुने उनको भनाइ थियो ।
माओवादी नेतृ निर्मला क्रान्ति, नेकपा एमाले वडा नं ३१ का वडाध्यक्ष गणेश थापा, एमाले नेता गोकर्ण तिवारी, स्थानीय रुद्ध अधिकारीले सहिदहरुले देखेको सपना पूरा गर्ने बाटोमा सबै लाग्नुपर्नेमा जोड दिए । देशमा राजनीतिक परिवर्तनका लागि जनयुद्धको बेला सहिद भएकाहरुको योगदान महत्वपूर्ण रहेको उनीहरुको भनाइ थियो । माओवादी केन्द्र वडा नं. ३१ का सचिव कृष्ण् प्रसाद तिमिल्सिनाको अध्यक्षतामा भएको कार्यक्रममा भीमबहादुर गुरुङ र सहिदकी छोरी गंगा तिवारीलगायतले बोलेका थिए ।

Related News

सम्बन्धित समाचार

    • अम्बिका शिशु पोषण अक्षयकोष हस्तान्तरण

      आदर्श समाज सम्वाददाता श्रावण १२, २०७८
      हेमजा । अम्बिका मावि, सुइँखेतअन्र्तगत समितिमातहत रहेको शिशु पोषण अक्षयकोष आइतबार विद्यालयलाई हस्तान्तरण गरिएको छ । कोषका संस्थापक अध्यक्ष नेत्रपाणि…
    • आउला त डुंगा चालकका दिन ?

      विजय नेपाल श्रावण १२, २०७८
      पोखरा । फेवातालमा तैरिने डुंगाहरु लामो समय थन्काएर बसेका डुंगा चालकहरु अहिले उत्साहित छन् । उनीहरुमा केही भए पनि आशाको…
    • पोखरामा युवतीको शव फेला

      रासस श्रावण ११, २०७८
      पोखरा । पोखरा महानगरपालिका–१५ अमिनतरास्थित सेतीनदीको खोँचमा एक युवतीको शव भेटिएको छ । प्रदेश प्रहरी कार्यालय गण्डकीका अनुसार नदी किनारास्थित…
    • पोखराको पहिलो आकाशे पुल सञ्चालनमा

      रासस श्रावण ११, २०७८
      पोखरा । पर्यटकीय नगरी पोखराको मुख्य ठाउँ सिर्जनाचोकमा यात्रु आवतजावत गर्ने आकाशे पुल सञ्चालनमा आएको छ । बढ्दो जनसङ्ख्या र…
    • एन्टिजेन परीक्षण तथा सचेतना

      आदर्श समाज सम्वाददाता श्रावण ११, २०७८
      पोखरा । लायन्स क्लब अफ पोखरा आदर्श चौतारी र बेगनास ताल नगरीको संयुक्त आयोजना पिसिआर नमुना संकलन, एन्टिजेन परीक्षण तथा…

    hero news full width

    Gandaki University

    sanil ads

    wordlink ads