जनप्रियका विद्यार्थी नेपालमै उत्कृष्ट

आदर्श समाज सम्वाददाता
असार ३०, २०७८
JMC

{“subsource”:”done_button”,”uid”:”EB3F276B-EC14-4DA5-A4D4-623A4143BB66_1625924427716″,”source”:”other”,”origin”:”gallery”,”source_sid”:”EB3F276B-EC14-4DA5-A4D4-623A4143BB66_1625924427748″}

पोखरा  ।  जनप्रिय बहुमुखी क्याम्पस, पोखराका विद्यार्थीले नेपालमै उत्कृष्ट नतिजा ल्याउन सफल भएका छन् । बिबिए संकायका २ विद्यार्थी नेपालभर प्रथम, २ जना दोस्रो र १ जना तेस्रो हुन सफल भए ।
प्रकाशित नजिता अनुसार बिबिए तेस्रो सेमेस्टरको परीक्षामा अस्मिता रेग्मी र सलोनी बुद्धाचार्यले ३.९९ जिपिए ल्याएर नेपाल टप गरेका हुन् । यस्तै, विधान अधिकारी र नीशा ढकालले ३.९८ जिपिए ल्याएर नेपालभरमै दोस्रो र रूद्रप्रसाद कँडेल ३.९७ जिपिए सहित तेस्रो भए । यसअघि पनि जनप्रियका निञ्जु थापा र सन्ध्या घिमिरेले नेपाल टप हुन सफल भएका थिए ।
क्याम्पस प्रमुख विरञ्जी गौतमले २०६० सालमा उपत्यका बाहिर पहिलो पटक बिबिए कार्यक्रम ल्याएर उच्चशिक्षाको विकासमा योगदान दिएको बताउँछन् । जनप्रियले गुणस्तरको कसीलाई कायम राख्दै विद्यार्थी भर्ना छनौटमा निष्पक्षता अपनाउँदा, छानिएका सही विद्यार्थीले आफ्नो क्षमता देखाउँदा नै उत्कृष्ट नजिता ल्याउन सफल भएको दाबी गरे ।
बिबिए तथा बिआइएम कार्यक्रम संयोजक मेखराज पौडेलले प्राध्यापक र विद्यार्थीको मिहिनत, पुस्तकालय, ल्याबको उचित प्रबन्ध, शैक्षिक वातावरणको उपज नै उत्कृष्टता हासिल गर्ने बेञ्चमार्क भएको बताए ।
क्याम्पस व्यवस्थापन समिति अध्यक्ष तारा गिरीले उत्कृष्ट नजिता हासिल गरेका विद्यार्थीलाई बधाई ज्ञापन गर्दै चालू सेमेस्टरका विद्यार्थीलाई ऊर्जा र उत्साहसहित पढेमा सफलता हात पार्न टाढा जानु पर्दैन भन्ने सन्देश दिए ।
कोभिड–१९ ले लकडाउन सिर्जना गरेपछि क्याम्पसले सबै संकायको पठनपाठन माइक्रोसफ्ट टिम्सबाट भर्चुअलमा सञ्चालन गरेको छ । युजिसीबाट १२ लाख ५० हजार सहयोग लिएर पठनपाठन अनलाइनमार्फत् सञ्चालन गरेको क्याम्पसले भौतिक दूरी कायम गर्दै परीक्षा पनि चलाएको थियो । एमबिए इन हस्पिटालिटी म्यानेजमेन्टको चालू शैक्षिक सत्रका लागि भर्ना लिइरहेको उप प्रशासक एकनारायण अर्यालले जानकारी दिए ।
प्रात र दिवा सत्रमा ५ हजारभन्दा बढी विद्यार्थी अध्ययन गर्ने जनप्रियले देशभरिका १ हजार ९६ सामुदायिक क्याम्पस मध्ये २०७२ र २०७३ मा शिक्षा मन्त्रालयबाट उत्कृष्ट क्याम्पसको पुरस्कार पाइसकेको छ । विश्वविद्यालय अनुदान आयोगको छनौटमा परेको क्याम्पसले २ पटक गुणमापन तथा प्रत्यानको प्रमाणपत्र पाएको छ ।

Related News

सम्बन्धित समाचार

    • अम्बिका शिशु पोषण अक्षयकोष हस्तान्तरण

      आदर्श समाज सम्वाददाता श्रावण १२, २०७८
      हेमजा । अम्बिका मावि, सुइँखेतअन्र्तगत समितिमातहत रहेको शिशु पोषण अक्षयकोष आइतबार विद्यालयलाई हस्तान्तरण गरिएको छ । कोषका संस्थापक अध्यक्ष नेत्रपाणि…
    • आउला त डुंगा चालकका दिन ?

      विजय नेपाल श्रावण १२, २०७८
      पोखरा । फेवातालमा तैरिने डुंगाहरु लामो समय थन्काएर बसेका डुंगा चालकहरु अहिले उत्साहित छन् । उनीहरुमा केही भए पनि आशाको…
    • पोखरामा युवतीको शव फेला

      रासस श्रावण ११, २०७८
      पोखरा । पोखरा महानगरपालिका–१५ अमिनतरास्थित सेतीनदीको खोँचमा एक युवतीको शव भेटिएको छ । प्रदेश प्रहरी कार्यालय गण्डकीका अनुसार नदी किनारास्थित…
    • पोखराको पहिलो आकाशे पुल सञ्चालनमा

      रासस श्रावण ११, २०७८
      पोखरा । पर्यटकीय नगरी पोखराको मुख्य ठाउँ सिर्जनाचोकमा यात्रु आवतजावत गर्ने आकाशे पुल सञ्चालनमा आएको छ । बढ्दो जनसङ्ख्या र…
    • एन्टिजेन परीक्षण तथा सचेतना

      आदर्श समाज सम्वाददाता श्रावण ११, २०७८
      पोखरा । लायन्स क्लब अफ पोखरा आदर्श चौतारी र बेगनास ताल नगरीको संयुक्त आयोजना पिसिआर नमुना संकलन, एन्टिजेन परीक्षण तथा…

    hero news full width

    Gandaki University

    sanil ads

    wordlink ads