पोखरा । गण्डकी प्रदेशमा थप ३ सय ३७ जना निको भएका छन् । लकडाउन खुकुलो भएसँगै घटेको निको हुनेको संख्या पछिल्ला दिनमा बढ्न थालेको छ । भने संक्रमण हुने भन्दा निको हुने पनि बढेका छन् ।
बिहीबार ३ सय ५२ जना निको हुँदा २६९ संक्रमित भएको थिए । भने शुक्रबार ३ सय २७ संक्रमणमुक्त हुँदा २ सय ८१ जनामा पोजेटिभ देखिएको हो । प्रदेशको सबैभन्दा बढी कास्कीमा २२ हजार २५६ र कम मनाङमा १ सय १ जना संक्रमणमुक्त भएका छन् । यो सँगै प्रदेशमा ५४ हजार ५४१ जनाले कोरोना जितेका छन् ।
प्रदेशमा १ हजार १ सय १७ जनाको नमुना परीक्षण गरिएकोमा गण्डकी प्रदेशमा २५.१५ प्रतिशतमा कोरोना पोजेटिभ देखिएको हो । कास्कीका १ सय २९ सहित म्याग्दीका ४, पर्वतका २२, गोरखाका ९ र लमजुङका २३ जना संक्रमित भएका हुन् । यसैगरी तनहुँका २, बागलुङका ४८, स्याङ्जाका ७ र नवलपुरका ३७ जनामा कोरोना पुष्टि भएको हो । बागलुङ, मनाङ र मुस्ताङ बाहेक प्रदेशका ९ जिल्लामा १ सय ५७ पुरुष तथा १ सय २४ जना महिलामा कोरोना पुष्टि भएको हो । योसँगै गण्डकी प्रदेशमा कोरोना संक्रमितको कुल संख्या ५८ हजार ६ सय २९ पुगेको छ ।
देशभर १ हजार ४ सय ७९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार शुक्रबार विभिन्न जिल्लामा गरिएको ६ हजार ६ सय ५७ पिसिआर परीक्षणमा १ हजार ४ सय ७९ जनामा कोरोना पुष्टि भएको हो । ४ हजार ६ सय ५६ एन्टिजेन परीक्षणमा ७ सय ६० जनामा कोरोना संक्रमण देखिएको छ । पिसिआर र एन्टिजेन परीक्षणबाट कुल २ हजार २ सय ३९ जनामा संक्रमण पुष्टि भएको मन्त्रालयले जनाएको छ । योसँगै नेपालमा पीसीआर परीक्षणमा कोरोना देखिनेको संख्या ६ लाख ५२ हजार ८ सय ५९ पुगेको छ । यस्तै, २४ घन्टामा १ हजार ३ सय १६ जना कोरोना संक्रमणमुक्त भएका छन् । योसँगै कोरोना संक्रमण भइ निको हुनेको संख्या ६ लाख १६ हजार ९ सय २९ पुगेको छ ।
कोरोना संक्रमणबाट ७ जनाको मृत्यु
गण्डकी प्रदेशमा थप ७ जनाको कोरोना संक्रमणबाट मृत्यु भएको छ । कास्की र बागलुङको ३÷३ सहित तनहुँका एक जनाको शुक्रबार कोरोनाबाट ज्यान गएको हो ।
कास्कीको पोखरा नगरपालिका ७ का ९३ वर्षीय पुरूषकोे चरक मेमोरियल अस्पताल, पोखरामा उपचारको क्रममा मृत्यु भएको हो । पोखरा २ की ४८ वर्षीया कोरोना संक्रमित महिलाको पोखरा स्वास्थ्य विज्ञान प्रतिष्ठान, पोखरामा उपचारको क्रममा निधन भएको हो । पोखरा २१ का ९४ बर्षीय कोरोना संक्रमित पुरूषको मणिपाल शिक्षण अस्पताल, पोखरामा उपचारको क्रममा ज्यान गएको हो ।
यसैगरी बाग्लुङको बडिगाड गाउँपालिका ५ की ५२ वर्षीय महिलाको मणिपाल शिक्षण अस्पताल, पोखरामा उपचारको क्रममा मृत्यु भएको हो । बाग्लुङ नगरपालिका २ का ७८ वर्षीय कोरोना संक्रमित पुरूषको धौलागिरी अस्पताल, बागलुङमा उपचारको क्रममा निधन भएको हो । बाग्लुङ नगरपालिका ३ की ५५ वर्षीया महिलाको धौलागिरी अस्पताल, बागलुङमा उपचारको क्रममै ज्यान गएको हो । तनहुँको म्याग्दे गाउँपालिका ३ की ५० वर्षीय महिलाको पोखरा स्वास्थ्य विज्ञान प्रतिष्ठान, पोखरामा उपचारको क्रममा निधन भएको हो ।
योसँगै प्रदेशमा कोरोनाबाट ज्यान गुमाउनेको संख्या ९ सय ८८ पुगेको छ । देशभर गरी थप २० जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ९ हजार ३ सय ४० पुगेको छ ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१