पोखरा । बिहानै ७ बजे घत्रक्क आवाज आयो, झ्यालबाट चिहाउँदा रुखहरु हल्लिएको जस्तो देखिन् । एकैछिनमै म्याग्दी मंगला गाउँपालिका ५ की हेमकला बुढाथोकीको शरीर गाह्रोले छोपियो । सँगै रहेकी बुहारी हत्तपत्त भाग्न खोजिन् घर बाहिर निस्कन नभ्याउँदै उनी पनि पहिरो परिन् । उनीहरु दुवैलाई हेलिकोप्टरमार्फत पोखरा ल्याइयो । घाइते सासू बुहारकिो अहिले पोखराको गण्डकी अस्पतालमा उपचार भइरहेको छ ।
सोमबार रातिदेखि देशभर वर्षा भइरहेको छ । उतिबेलै मौसम पूर्वानुमान महाशाखाले म्याग्दीको घोडेपानीमा अत्यधिक पानी परेका कारण सचेत रहन आग्रह गरेको थियो । घोडेपानी क्षेत्रमा अत्यधिक पानी पर्ने भएपछि म्याग्दीको ग्रामीण क्षेत्रका बासिन्दा सचेत नै थिए ।
मंगला गाउँपालिका ५ सिर्कुमका हिमकला बुढाथोकीको परिवार पनि सचेत नै थियो । पानी परिरहेकै कारण काम नभएपछि उनीसहित ४ जनाको परिवार साँझमै सुुते । बिहान पनि ६ बजेमात्र उठेर नियमित धन्दामा लागे । उठ्ने बित्तिकै श्रीमान् र छोरालाई चिया खाजा दिएर उनीसँगै बुहारी भान्सातिर लागिन् । बुहारी सुजिता खाना पकाउन कस्सिइन् । हिमकला भने गफिन थालिन् । श्रीमान् र छोरा गाईवस्तुको धन्दा गर्दै थिए । बाहिर झमझम पानी पर्न रोकिएको थिएन् । सासू बुहारीको गफ झरीकै बारेमा थियो । एक्कासि घत्रक्क गरेको आवाज आयो । झ्याल खोलेर हेर्दा रुख हल्लेको देखे । उतिखेरै घरको कुनातिरको भित्ता आफूतिर आयो । केही समयमै उनको शरीर लेदो माटो र ढुंगाले छोपियो । त्यो बेलासम्म श्रीमान् र छोरा थाहा पाइसकेका थिए । घाइते अवस्थाकी बुहारीलाई छोराले तानेर आमालाई खोज्दा उनी भेटिइनन् । माटो र ढुंगाले छोपिए पनि भाग्यले उनको अनुहार पुरिन रुखले छेक्यो । ‘मलाई बाँच्नै लेखेर त होला, रुखको हाँगा र दलिन मेरो अगाडि आयो, त्यसले ढुंगा माटो छेक्यो,’ उनले भनिन्,‘एउटा हात चलाउन मिल्ने थियो अनि हात हल्लाउँदै छोरा म यता छु भन्न भ्याएँ ।’ आमाको आवाज सुनेर छोरो पुग्दा आमालाई पहिरोले पुरिसकेको थियो ।
केही समयमै उनको शरीर लेदो माटो र ढुंगाले छोपियो । त्यो बेलासम्म श्रीमान् र छोरा थाहा पाइसकेका थिए
हार गुहार भएपछि तल्लो र माथिल्लो गाउँका स्थानीय आएर उद्धारमा खटिए । करिब २ घन्टापछि उनको उद्धार भयो । त्यसपछि उनीसँगै बुहारीलाई पीपलबोटसम्म गाडमीा लगियो । बाटो पुरै बिग्रेकाले बोकेर मंगला स्वास्थ्य चौकी पु¥याएर उपचार गरियो । त्यहाँ उपचार सम्भव नभएपछि पोखरा ल्याउनुपर्ने भयो । पोखरा ल्याउन बाटो नभएपछि हेलिकाोप्टरका लागि गाउँपालिका अध्यक्ष शतप्रसाद रोकाले पहल गरे । बुधबार मौसम खराबीका कारण सम्भव नभएपछि बिहीबार बिहानमात्र पोखरा ल्याएर उपचार भइरहेको छ । उनको कम्मरमुनिको भाग नचल्ने भएको थियो भने बुहारीको टाउको र ढाडमा सामान्य चोट लागेको छ ।
बुढाथोकीको ढुंगा माटोले बनेको २ तले कच्ची घर तथा सँगै जोडिएको गोठमा पहिरो खसेको हो । पहिरोकै कारण गोठमा रहेको ३ वटा भैंसी, २ वटा गोरु र ५ वटा बाख्रा पहिरोले पुरिएको छ । म्याग्दीको मंगला गाउँपालिकामा ३२ घर पहिरोको जोखिम रहेको गाउँपालिका अध्यक्ष शतप्रसाद रोकाले जानकारी दिए । २ वटा विद्यालयसहित सामुदायिक भवनमा क्षति पुगेको उनको भनाइ छ । मंगला ५ मा १० शड्ढयाको निर्माणाधीन अस्पतालको जमिन पनि म्याग्दी नदीले कटान गरेको उनले बताए । मोटरबाटो र गोरेटो बाटोमा पनि पहिरो गएको छ । बाढी पहिरो पीडितका लागि सम्बन्धित वडालाई व्यवस्थापन गर्न निर्देशन दिएको उनको भनाइ छ । छिमेकी, आमा समुह र युवा क्लबले व्यवस्थापन पनि गरिसकेको उनी बताउँछन् ।
Related News
सम्बन्धित समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
सहारा क्लब पोखरालाई वर्ष उत्कृष्ट क्लबको अवार्ड
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१