पोखरा । गण्डकी प्रदेश चेम्बर अफ कमर्सले विभिन्न सरकारी अस्पताललाई मंगलबार अक्सिजन सिलिन्डर हस्तान्तरण गरेको छ । कास्की पोखरा समाज जापानको व्यवस्थापनमा चेम्बरले पोखरा स्वास्थ्य विज्ञान प्रतिष्ठानलाई २५, संक्रामक तथा सरुवा रोग अस्पताल गण्डकी प्रदेशलाई १५, पोखरा महानगरपालिका वडा नम्बर २१ लाई ५, म्याग्दीलाई ५ गरी ५० थान सिलिन्डर हस्तान्तरण गरिएको हो । चेम्बरले २० र समाजले ३० थान सिलिन्डर व्यवस्थापन गरेको हो ।
गण्डकी प्रदेश स्वास्थ्य तथा जनसंख्या मन्त्रालयका सचिव विनोदबहादुर कुँवरले सरकारले प्रदेशका कोभिडका बिरामीको उपचारको लागि स्वास्थ्य सामग्री व्यवस्थापनमा पर्याप्त ध्यान दिएको बताए । प्राप्त सहयोगलाई व्यवस्थापकीय कौशलका साथ नागरिकको पक्षमा उपयोग गर्ने चर्चा गर्दै सचिव कुँवरले पछिल्लो समयमा अक्सिजन सिलिन्डरको व्यवस्थापन पक्ष राम्रो भएकाले होम आइसोलेसनका बिरामीलाई परामर्श लगायतका सेवा आवश्यक रहेको जानकारी दिए । उनले स्वास्थ्य निर्देशनालय गण्डकी प्रदेशले नर्सिङ कलेजका १ सय स्टाफ नर्समार्फत होम आइसोलेसनका बिरामीलाई परामर्श दिने बताए ।
गण्डकी प्रदेश चेम्बर अफ कमर्सका अध्यक्ष किसान सुनारले प्रदेशका सबै जिल्लामा १ सय ४ अक्सिजन सिलिन्डर वितरण गरेको जानकारी दिए । उनले संस्थागत सामाजिक उत्तरदायित्वअन्तर्गत स्वास्थ्य क्षेत्रमा सहयोग गरेर नागरिकको जीवन रक्षामा चेम्बर लागेको बताए । उनले पहिलो चरणमा पोखरा २७ को वडा कार्यालय(साविक लेखनाथ नगरपालिकाको भवन) मा रहेको कोभिड अस्पताललाई ३० थान सिलिन्डर प्रदान गरेको जनाए ।
पोखरा स्वास्थ्य विज्ञान प्रतिष्ठानका निर्देशक डा. भरतबहादुर खत्रीले प्राप्त सहयोगको शत प्रतिशत सहयोग गर्ने प्रतिबद्धता जनाए । संक्रामक तथा सरुवा रोग गण्डकीका कार्यकारी निर्देशक डा. विकास गौचनले सरकारको स्वास्थ्य क्षेत्रको ग्यापलाई सहयोगले फुलफिल गरेको बताए । चेम्बरको १ व्यवसायी १ अक्सिजन सिलिन्डर अभियान अन्तर्गत अध्यक्ष किसान सुनारले ४ सल्लाहकार माइकल कर्मचार्यले ५, महिला उद्यमी टीका गुरुङले ५ र अमृत न्यौपानेले १ थान सिलिन्डर प्रदान गरेका छन् ।
कास्की आदर्श समाज अन्तर्राष्ट्रिय समन्वय परिषदका उपाध्यक्ष निरज थापाले कास्कीबाट वैदेशिक रोजगारीमा गएकाहरुबाट आएको सहयोग एकद्वार नीतिअन्तर्गत सहयोग गरेको जानकारी दिए । कार्यक्रममा परिषद्का सचिव अमृत आचार्य, कास्की पोखरा जापानका महिला उपाध्यक्ष अन्जु भण्डारी, कास्की पोखरा समाज नेपालका प्रतिनिधि हरि पहारी, कास्की पोखरा समाजका सल्लाहकार प्रकाशलाल श्रेष्ठ, पोखरा चेम्बर अफ कमर्स कास्कीका सचिवालय सदस्य रविबहादुर विकलगायतले बोलेका थिए ।
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
हाम्रो बहुउद्देश्यीयको रक्तदानमा ४६ युनिट संकलन
शिशुवा सिसाघाट सडक शिलान्यास
मुख्य न्यायाधिवक्ताको कार्यालयले बल्ल सच्यायो विवरण
hero news full width
मुख्य समाचार
मनिपालमा अत्याधुनिक एमआरआई मेसिन
कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१