मुख्यमन्त्रीको तयारी नपुगेपछि आइतबारका लागि डाकिएको गण्डकी प्रदेश सभाको बैठक स्थगित भएको छ । बजेटको सिद्धान्त र प्राथमिकताबारे छलफल टुंग्याएर रोकिएको बैठक सरकारले विस्वासको मत लिने बेला मात्रै खुल्ने भएको छ । संविधानतः जेठ २७ भित्रै मुख्यमन्त्री पृथ्वीसुब्बा गुरुङले विश्वासको मत लिनुपर्ने प्रावधान छ ।
सभामुख नेत्रनाथ अधिकारीले बिहीबारको बैठकमा २३ गतेका लागि अर्को बैठक डाकेका थिए । तर सत्तापक्ष त्यसका लागि तयार भएन । ‘उहाँहरुले समय माग्नुभयो । सत्तापक्ष २७ गते बैठक बोलाएर एकैदिन सबै कार्यसूची सिध्याउने पक्षमा छ,’ उनले भने, ‘अरुले माननीयलाई एजेन्डामाथि बोल्ने समय कम हुने भन्दै कम्तीमा २ दिन बैठक बस्नुपर्ने सुझाव दिएका छन् । अब छलफल गरेर टुंगो लाग्छ ।’
आइतकारको बैठकका लागि शनिबार कार्यव्यवस्था परामर्श समितिको बैठक थियो । ‘यस्तो बेला अरु विधेयक छलफल गर्ने कुरा भएन । सरकारले सिधै विश्वासको मत लिन्छ,’ एमालेका प्रमुख सचेतक मायानाथ अधिकारीले भने, ‘२७ गते बैठक बोलाउन सुझाव दिएका छौं । फाइनल भने होइन ।’ विपक्षीहरु कम्तीमा २६ गतेदेखि छलफल सुरु गर्नुपर्ने बताउँछन् । सांसदहरुले धेरै बोल्न खोज्दा समय अभाव हुने उनीहरुको तर्क छ । सरकार विश्वासको मत लिन सांसदहरु फकाउन व्यस्त छ । केन्द्रीय गठबन्धन कायम रहँदा यहाँ एमाले (ओली समूह)ले बहुमत पाउने सम्भावना करिब सकिएको छ ।
अहिलेको समीकरण हेर्दा गुरुङका पक्षमा बहुमत छैन, तर संघमा जस्तै उनी पनि सहज बहिर्गमन हुनेमा शंका कायमै छ
वैशाख २ गते प्रमुख प्रतिपक्षी नेपाली कांग्रेस, माओवादी केन्द्र र जनता समाजवादी पार्टीका २८ सांसदले हस्ताक्षर गरेर मुख्यमन्त्री विरुद्ध अविश्वास प्रस्ताव दर्ता गराएका थिए । त्यसमा छलफल चल्दै गर्दा मुख्यमन्त्रीले राजीनामा दिएर संयुक्त सरकार गठनको बाटो खोलिदिए । संयुक्त सरकार बन्न सकेन र पुनः उनी नै मुख्यमन्त्रीमा नियुक्त भए । ३० दिनभित्र विश्वासको मत लिनुपर्ने संवैधानिक प्रावधान अनुसार उनी अहिले त्यसको तयारीमा जुटेका छन् । ‘विश्वासको मत लिने हो । हामी विस्वस्त छौं, ढुक्क छौं । यो सरकार निरन्तर जान्छ,’ सरकारका प्रवक्ता रामशरण बस्नेतले भने, ‘सरकारले गरेको कामलाई हेरेर मत दिनुहुन्छ । अब राजीनामा दिनु पर्दैन ।’
उनले भनेजस्तो सजिलो छैन । एमालेले यो अवधिमा सबै राजनीतिक दलसँग छलफल पनि गरिसकेको छ । ‘सबै पार्टीसँग सल्लाह भएको छ । उहाँहरु सकारात्मक हुनुहुन्न । आफै बहुमत पुर्याउछु भन्नु भएको छ,’ बस्नेतले भने, ‘हामी पनि त्यहि भन्छौं । अब २७ गते नै थाहा हुन्छ । विश्वासको मत लिन सकिएन भने अरु बाटो लाग्ने हो ।’ केहीले विश्वासको मत लिनुअघि नै मुख्यमन्त्रीले राजीनामा दिन सक्ने आकलन पनि गरेका छन् ।
सत्ता टिकाउन र कार्यसम्पादन ‘कम्फर्टेबल’ बनाउनकै लागि गण्डकीमा माओवादीका अमिक शेरचनलाई हटाएर एमाले नेतृ सीताकुमारी पौडेललाई प्रदेश प्रमुखको रुपमा खटाइएको छ । सरकारले गरेको निर्णयमा उनले साथ दिने पक्का छ । विपक्षीहरु कुनै पनि हालतमा विश्वासको मत पुग्न नदिने बाटोमा छन् । उनीहरु हालको सरकार ढलाएर कांग्रेस संसदीय दलका नेता कृष्णचन्द्र नेपाली पोखरेलको नेतृत्वमा नयाँ सरकार गठनमा लागेका छन् । अंक गणित हेर्दा दुवै पक्षले बहुमत नपुर्याउने देखिन्छ । स्रोतका अनुसार जनमोर्चाका सांसद खीमविक्रम शाही विपक्षी गठबन्धनलाई सहयोग गर्ने पक्षमा छैनन् । तर उनले आफू पार्टी ह्विपमै रहेको बताएका छन् । अहिले जनमोर्चा बाहेक विपक्षी र सत्तापक्षसँग बराबर २८ मत छ ।
जनमोर्चाका कृष्ण थापा कारबाहीमा परेपछि गण्डकी प्रदेशसभामा ५९ सांसद कायम भएको छ । बहुमत पुर्याउन ३० सांसद चाहिन्छ । थापाले आफ्नो कारबाही फिर्ताको माग सहित सर्वोच्च अदालतमा रिट दायर गरेका छन् । उनको रिटको पक्षमा फैसला भए सांसद संख्या ६० हुन्छ र बहुमतका लागि ३१ मत चाहिन्छ ।
अन्तिम अवस्थामा विपक्षीले माओवादी पृष्ठभूमीका सभामुख नेत्रनाथ अधिकारीलाई राजीनामा दिन लगाएर बहुमत पु¥याउन सक्छन् । ‘सबै पक्षबाट छलफल चलेको छ । सकेसम्म राजीनामा दिने अवस्था आउँदैन भन्ने विस्वास छ,’ १ सांसदले भने, ‘नत्र त्यो बाटो पनि अपनाउनुपर्ने हुन सक्छ ।’ सभामुखले राजीनामा दिए संसद बैठक उपसभामुखले चलाउनुपर्छ । सरकार गठनको एजेन्डामा बैठकको अध्यक्षता गर्ने व्यक्तिले मतदान गर्न मिल्दैन ।
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१