पोखरा । कोरोना भाइरस नियन्त्रणका लागि कास्कीमा निषेधाज्ञा अवधि जेठ ७ सम्म थपिएको छ । प्रशासनले गत वैशाख १५ देखि जारी राखेको निषेधाज्ञा अवधि पुनः बढाइएको हो ।
पछिल्लो समयमा तीव्र रुपमा फैलिरहेको संक्रमण रोक्न कोभिड १९ संक्रमण रोकथाम तथा नियन्त्रणका लागि जिल्ला कोभिड–१९ संकट व्यवस्थापन केन्द्र (डिसिसिएसी) ले गरेको निर्णय बमोजिम प्रमुख जिल्ला अधिकारी थानेश्वर गौतमले बुधबार सो आदेश जारी गरेका हुन् ।
आदेश अनुसार अत्यावश्यक कामबाहेक घरबाहिर ननिस्कन, हिँडडुल नगर्न, मर्निङ वाक, इभिनिङ वाक समेत नगर्न आदेश जारी गरेको छ । भेला, सभा जुलुस, जात्रा तथा महोत्सव गर्न निषेध गरेको छ ।
एम्बुलेन्समा बिरामी तथा कुरुवा गरी बढीमा २ जना चढ्न पाउनेछन् । दमकल, शववाहन, खाद्यसामग्री तथा पशुपंक्षीका दाना, खाद्यान्न तथा पेट्रोलियम पदार्थ बोकेका सवारी साधनहरु भने चल्नेछन् । चिकित्सक तथा स्वास्थ्यकर्मीले ड्युटी जाने आउने क्रममा प्रयोग गर्ने सवारी साधनहरु, औषधी तथा स्वास्थ्य सेवाका सामग्री बोकेका सवारी साधन, अत्यावश्यक सरकारी कामकाजका लागि प्रयोग हने सरकारी सवारी साधन चल्ने भए पनि जिल्लाभित्र सञ्चालन हुने यात्रुवाहक सार्वजनिक तथा निजी सवारीसाधन सञ्चालनमा रोक कायमै छ ।
धार्मिकस्थलमा जनस्वास्थ्यको मापदण्ड पालना गर्ने गरी नित्य पूजा, ध्यान र प्रार्थना गर्न पाउनेछ ।
सबै प्रकारका शैक्षिक संस्था, तालिम, प्रशिक्षण केन्द्र, सिनेमा हल, पार्टी प्यालेस, होटल, रेस्टुरेन्ट साथै खेलकुद क्षेत्र सञ्चालन गर्न पाइने छैन ।
विवाह, व्रतबन्ध एवं अन्य संस्कारजन्य कार्यक्रम पार्टी प्यालेस तथा होटलमा गर्न पाइने छैन । पूर्व निर्धारित विवाह कार्यक्रम आफ्नै घर परिसरमा सञ्चालन गर्दा तोकिएको स्वास्थ्य मापदण्ड अनिवार्य पालना गरी १० जनाभन्दा बढी व्यक्ति सहभागी हुन नपाइने, सवासाधन प्रयोग गर्नुपर्नेको हकमा केटा वा केटी पक्षले बढीले ५ जनामात्र हुने गरी १ सवारीसाधन मात्र प्रयोग गर्न सक्ने छन् । आफू प्रत्यक्ष संलग्न भई गर्नुपर्ने मृत्यु संस्कार बाहेकका अन्य गतिविधिमा संलग्न नहुने आदेश छ ।
औषधी एवं स्वास्थ्य सामग्रीका पसलहरु २४ सै घन्टा खुला रहने, दैनिक उपभोग्य खाद्यान्न पसल, तरकारी, फलफूल, दुध तथा दही, माछा मासु बिक्री वितरण गर्ने पसल बिहान ५ देखि बिहान ९ बजेसम्म मात्र सञ्चालन गर्न पाइनेछ । ताजा दुध बेलुका ५ देखि ७ बजेसम्म नजिकको चिस्यान केन्द्र एवं संकलन केन्द्रमा पु¥याउन एवं बिक्री वितरणमा रोक छैन । फलफूल तथा तरकारीको थोक बिक्रेताले खुद्रा बिक्री वितरण गर्न पाउने छैनन् ।
खाद्यान्न, तरकारी, पानी, फलफूल, दुध जस्ता देनिक उपभोग्य वस्तु नजिकको पसलबाट मात्र खरिद गर्ने तर सोको लागि सवारीसाधन प्रयोग गर्न पाइने छैन । सो बाहेकका अन्य पसल, डिपार्टमेन्टल स्टोर्स, सपिङ मल लगायत सबै पसल पूर्ण रुपमा बन्द हुने छन् ।
उद्योग तथा सार्वजनिक निर्माण काममा संलग्न कर्मचारी तथा श्रमिकलाई उद्योग परिसर वा र्निाणस्थल नजिकै खाना र बासको व्यवस्था गरी सञ्चालन गर्न सकिनेछ ।
सरकारी प्राथमिकताप्राप्त आयोजनाका लागिमात्र निर्माण सामग्री बोक्ने गाडी बेलुका ८ देखि बिहान ४ बजेसम्म मात्र सञ्चालन गर्न सकिनेछ ।
स्वास्थ्य, सुरक्षा, सञ्चार, विद्युत्, खानेपानी, औषधी तथा औषधीजन्य उत्पादन तथा बिक्री वितरण लगायतका अत्यावश्यक सेवा तथा कार्य गर्ने बाहेकका अन्य सरकारी वा गैरसरकारी कार्यालयबाट सेवा प्रवाह नगर्ने, ती कार्यालयका कर्मचारी घरबाट कार्यालय आउन÷जान बिहान ९ देखि १० र बेलुका ५ देखि ६ को समय तोकिएको छ ।
सञ्चारकर्मीले सूचना तथा प्रसारण विभागबाट जारी प्रेस पास, नेपाल पत्रकार महासंघबाट जारी प्रेस पास तथा सञ्चार गृहबाट जारी पासको आधारमा आवतजावत गर्न पाउने छन् ।
बैंक तथा वित्तीय संस्थाले १ चौथाइ कर्मचारी राखेर १ चौथाइ शाखामात्र निक्षेप १ लाखभन्दा बढी, चेक भुक्तानी, क्लीअरिङ र विप्रेषण सेवामात्र बिहान ११ देखि दिउँसो २ बजेसम्म सञ्चालन गर्ने, बैंक तथा वित्तीय संस्थाका कर्मचारीहरु परिचय र कार्यालय पोशाक आधारमा बिहान १० देखि ११ र दिउँसो २ देखि साढे ३ सम्म आवतजावत गर्न सक्नेछन् ।
कास्कीमा दिनप्रतिदिन कोरोना संक्रमितको संख्या बढ्दै गएपछि प्रशासनले निषेधाज्ञा अवधि लम्बाएको जनाएको छ । जिल्लामा बुधबार साँझसम्म सक्रिय संक्रमित संख्या ३५ सय कटेको छ ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१