पोखरा । नेकपा एमालेका नेता माधवकुमार नेपाल निकट सांसदहरूले नेता नेपाललाई राजीनामा बुझाएका छन्।

उक्त राजीनामा बोकेर सिंहदरबार पुगेका नेता नेपालसँग अहिले एमाले संसदीय दलका उपनेता सुवास नेम्वाङ र अर्थमन्त्रीसमेत रहेका नेता विष्णु पौडेलले अन्तिम छलफल गरिरहेका छन्।

नेपालनिकट सांसद मेटमणि चौधरीका अनुसार अहिले नेता नेपाल र नेम्वाङ- पौडेलबीच छलफल चलिरहेको छ।

माधव नेपाल पक्षका सांसदहरूले नेता नेपाललाई राजीनामा बुझाइसकेका छन्। राजीनामा बुझाउनुअघि नेपाल पक्षका सांसदहरू सिंहदरबारमा बैठक बस्दैछन्।

‘हामी आवश्यक परेमा राजीनामा दिन तयार छौं भनेर माधव नेपाललाई हस्ताक्षर पनि बुझाइसकेका छौं,’ उनले भने।

प्रधानमन्त्री केपी शर्मा ओलीले सोमबार प्रतिनिधि सभाबाट विश्वासको मत लिने बताइरहेका छन्। विश्वासको मत लिने अघिल्लो दिन नेकपा एमालेभित्र विवाद उत्कर्षमा पुगेको छ।

नेता नेपाल पक्षले गत फागुन २८ गते अध्यक्ष ओलीले गरेका निर्णय फिर्ता हुनुपर्ने अडान राखिरहेका छन्।