पोखरा । गृहमन्त्री रामबहादुर थापा राष्ट्रिय सभा सदस्यमा मनोनयन दर्ता गर्न हेटौंडा गएका छन्। आज उनी हेलिकप्टरमार्फत् नेताहरूसहित हेटौंडा गएका हुन् ।

एमाले नेता सुवास नेम्वाङका अनुसार बालुवाटारमा भएको बैठकले रामबहादुर थापालाई नै उम्मेदवार बनाउने निर्णय गरेको जानकारी दिए ।

बागमती प्रदेश राष्ट्रियसभा सदस्य उपनिर्वाचनमा उम्मेदवारको मनोनयन दर्ता आज हुँदैछ। जेठ ६ गते हुने उपनिर्वाचनका लागि निर्वाचन आयोगले आज मनोनयन दर्ता गर्ने मिति तोकेको हो ।

एमाले माधव नेपाल, माओवादी र नेपाली कांग्रेसले भने डा. खीमलाल देवकोटालाई उम्मेवार बनाउने भएको छ । उनी बिहीबार साँझ नै हेटौंडा पुगिसकेका छन् ।

उम्मेदवारले बिहान १० बजेदेखि दिउँसो ४ बजेसम्म आफ्नो मनोनयन दर्ता गर्न सक्ने छन् ।