पोखरा । घरमा चुल्हो निभेपछि मीना ज्ञवाली पसलमा ग्यास किन्न पुगिन् । पहिलो दिन साहुजीले भएको ग्यास पनि अर्कैले अर्डर गरेको भन्दै रित्तै फर्काए । भोलि अरु आउँछ भन्ने आश्वासन दिए । कामकाजी उनी भोलिपल्ट गइन् तर ग्यास हात लागेन ।
तेस्रो दिन आउने आश्वासनले कुरेर बसिन् । अहँ तेस्रो दिन पनि जानकी ग्यास नआएको भन्दै पोखरा–६, अन्नपूर्ण टोलस्थित हिमाञ्चलमार्गको ‘स्याङ्जा प्रोभिनजल स्टोर्स’ ले फर्कायो । आफूले जे जसो टारे पनि केटाकेटीलाई कसरी पकाएर खुवाउने भन्ने अहिले उनलाई चिन्ता छ ।
उनीजस्तै आमसर्बसाधारणले कास्कीमा निषेधाज्ञा सुरु भएसँगै ग्यास नपाएको गुनासो गर्न थालेका छन् । बिक्रेताहरु खाली सिलिन्डरमात्रै देखाउँछन् । तर ग्यास बिक्रेता कम्पनीहरुले भने अभाव नभएको दाबी गरेका छन् । उनीहरुको एउटै तर्क छ, ‘कोरोना महामारीको बेला ग्यास अभाव हुने हल्लाले मात्रै खाली सिलिन्डर थुप्राइएको मात्र हो । ग्यास अभाव हुँदैन । ढुक्क हुनोस् ।’
यस विषयमा उपभोक्ता मञ्च गण्डकी अध्यक्ष कपिलनाथ कोइरालाले अभाव हुने हल्लाले लुकाइएको हुन सक्ने बताउँछन् । कोरोनाको चेक ब्रेक गर्नै भन्दै कास्कीमा १५ देखि २१ वैशाखसम्म जारी निषेधाज्ञा प्रभावले होटल तथा रेस्टुरेन्ट पूर्णरुपमा सञ्चालनमा छैनन् । होटल तथा रेस्टुरेन्ट अन्यको तुलनामा सबैभन्दा बढी ग्यास खपत हुने क्षेत्र अहिले पूर्ण रुपमा सञ्चालन नहुँदा सर्वसाधारणको लागि अभाव नहुने कोइरालाको भनाइ छ । उनले भने, ‘गत हप्तासम्म ग्यास अभाव भन्ने थिएन । नर्मल नै थियो । अहिले त्यस्तो सुनिएको हो । यसबारेमा हामी अनुगमन गर्छौं ।’
पोखरामा हाल करिब १९ कम्पनीले ग्यास बिक्री वितरण गर्दै आएका छन् । तीमध्ये शक्ति ग्यास र गृहलक्ष्मी ग्यास मात्र पोखरामै उत्पादित छन् । अरु सबै बाहिरी जिल्लाबाट आउँछन् ।
नेपाल एपिजी ग्यास एसोसिएसनका सचिव एवं गृहलक्ष्मी ग्यास उद्योग कम्पनीका अध्यक्ष धर्मराज बर्तौलाले हल्ला फिजिएजस्तो पोखरामा ग्यास अभाव नभएको दाबी गर्छन् । उनले भने, ‘हामीहरु आवश्यकता अनुसार आपूर्ति गर्न सक्छौं । दैनिक २२ सय देखि ३ हजारसम्म सिलिन्डर बजार जान्छ । अहिले अल्लि बेसी गएको हो । मानिसले अनावश्यक खाली सिलिन्डर पनि भरेर राख्दा कृत्रिम समस्या उब्जेको हुन सक्छ ।’ उनी कसैले पनि अत्तालिएर ग्यास थुप्राउने काम नगर्न सुझाव दिन्छन् ।
पोखरा गगनगौंडामा डिपो रहेको गृहलक्ष्मीले मासिक ७० हजार सिलिन्डर ग्यास गण्डकी प्रदेशभर आपूर्ति गर्छ । गृहलक्ष्मीकै ३ लाख सिलिन्डर हाल बजारमा छन् । बर्तौलाले धादिङमा गीता र त्रिवेणी ग्यास उद्योग कम्पनी पनि चलाएका छन् । उनले आवश्यक परे ती कम्पनीको ग्यास पनि पोखराका उपभोक्तामाझ ल्याउने आश्वासन दिए । उनले स्थानीयस्तरमा उत्पादित ग्यास कम्पनीको सिलिन्डरमात्र प्रयोग गर्न सुझाव दिँदै भने, ‘अरु बेला ग्राहकले बाहिरबाट आपूर्ति हुने जुनसुकै सिलिन्डर प्रयोग गर्नुहुन्छ । आपत्विपत् प¥यो भनेमात्र गृहलक्ष्मी सम्झिनुहुन्छ । बाहिरी जिल्लाका कम्पनीले स्थानीयस्तरका उपभोक्ताको माग पूरा नगरीकन बाहिरी जिल्ला झट्ट पठाउँदैनन् । त्यसैले कास्कीसम्म नआएको हुनुपर्छ ।’
बर्तौलाको झैं राय छ, शक्ति ग्यास कम्पनीका कार्यालय प्रमुख मेघराज पौडेलको पनि । उनले ग्यास अभाव नरहेको दाबी गर्दै भने, ‘विगतका वैशाखमा ४५ हजारदेखि ५० हजारसम्म ग्यास जान्थ्यो, अहिले १५ वैशाखसम्म ४० हजार ग्यास गइसकेका छन् । यसले के देखाउँछ भने उपभोक्ताले अभाव हुने हल्लाको पछि लागेर अनावश्यकरुपमा भरेर राखेका छन् ।’ कृत्रिम अभावमात्र देखाइएकोले यसो नगर्न उनको सुझाव छ । भारत सरकारले पनि नेपाललाई नियमित रुपमा ग्यास दिइरहेकोले आत्तिनु नपर्ने उनको सल्लाह छ । हाल दैनिक २५ सय देखि ३ हजारसम्म सिलिन्डर खपत हुने गरेको शक्तिकै बजारमा ३ लाख ५० हजार सिलिन्डर छन् ।
सामान्यतया, ५ सदस्य रहेको परिवारमा एउटा सिलिन्डर डेढ महिनालाई पुग्छ । २ वटा भए ३ महिना सजिलै धकेलिन्छ । सामान्य मानिसले घरमा भएका ४÷५ वटा खाली सिलिन्डर अहिले भरेर राख्दा हाउगुजी सिर्जना भएकोमात्र हुन सक्ने उनको तर्क छ ।
नेपाल एपिजी ग्यास एसोसिएसनका सचिव बर्तौलाले भने, ‘अनावश्यक रुपमा सिलिन्डर भरेर राख्नु राम्रो होइन । त्यसले भोलिका दिनमा सम्भावित दुर्घटना निम्त्याउन पनि सक्छ । आफूलाई जति चाहिन्छ, त्यतिमात्र लिनू । यो नेपालीको आदत भैसकेको छ । यो सोच गलत हो ।’ गृहलक्ष्मीको ग्यास मासिक ७० हजार ग्यास उत्पादन हुँदा सजिलै पुग्ने गरेको तथ्यांक पस्किदै उनले आवश्यकता परे भोलिका दिनमा जति पनि रिफिलिङ गर्न सकिने दाबी गरे ।
गृहलक्ष्मी र शक्तिले यहाँ ग्यास रिफिलिङ बोट्लिङ प्लान्ट सञ्चालन गरेका छन् । उनीहरुले भारतबाट ग्यास ल्याएर रिफिलिङ गरी बिक्रेतामार्पmत् उपभोक्ताको चुल्होसम्म पु¥याउँछन् । अन्य कम्पनीहरु भने कास्की बाहिरबाट आपूर्ति हुने गरेका हुन् ।
२०७२ सालको विनासकारी भूकम्प बेला भारतीय नाकाबन्दीमा समेत ग्यास आपूर्ति गर्दै आएको बताउने शक्ति र गृहलक्ष्मीका सञ्चालकले संकटको बेला सधैँ काम लाग्ने भएकोले स्थानीय उत्पादनलाई माया गर्न पोखरेली उपभोक्तालाई आग्रह गरेका छन् ।
कास्कीका प्रमुख जिल्ला अधिकारी थानेश्वर गौतमले जिल्लामा ग्यास अभाव नरहेको र यसबारे बुझ्ने बताए । उनले भने, ‘निषेधाज्ञाको बेला अत्यावश्यक बस्तुको आपूर्तिमा रोक छैन । आत्तिनु पर्दैन ।’
Related News
सम्बन्धित समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
hero news full width
मुख्य समाचार
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१