पोखरा। सञ्चारिका पत्रकारिता पुरस्कार–२०७७ बाट पत्रकार सुष्मा पौडेल पुरस्कृत भएकी छिन् । यस्तै, गुरुङ ब्युटी एकेडेमी जर्नलिज्म अवार्ड पत्रकार प्रतीक्षा काफ्लेले प्राप्त गरिन् ।
पोखरामा शनिबार आयोजित समारोहमा गण्डकी प्रदेशसभा उपसभामुख सिर्जना शर्माले पत्रकार पौडेललाई २५ हजार १ सय र काफ्लेलाई १० हजार १ सय रुपैयाँ साथमा सम्मानपत्र प्रदान गरेकी हुन् ।
नेपाल पत्रकार महासंघ कास्कीका निवर्तमान अध्यक्ष दीपेन्द्र श्रेष्ठको संयोजकत्वमा, ब्रोडकास्टिङ एसोसिएसन नेपाल (बान) केन्द्रीय महासचिव दुर्गा अधिकारी र नेपाल आदिवासी जनजाति पत्रकार समूह (फोनिज) गण्डकी अध्यक्ष एमबी आस्थामगर सदस्य रहेको छनौट समितिले प्रतिभा चयन गरेको थियो । पत्रकार पौडेल सञ्चारिका समूहकी पूर्व अध्यक्ष हुन् भने काफ्ले कान्तिपुरमा आबद्ध छिन् ।
पत्रकारिता क्षेत्रमा महिलाको सक्रियता, सवलता र नेतृत्व क्षमता वृद्धि गर्न हौसला प्रदान गर्ने उद्देश्यले पोखरा किन्डर गार्डेनकी संस्थापक प्रधानाध्यापक कमला प्रधानले २ लाख रुपैयाँको अक्षकोषमार्फत यो पुरस्कार स्थापना गरेकी हुन् ।
यस्तै, पत्रकार महिलालाई क्रियाशील र पेसाप्रति जिम्मेवर बन्न हौसला प्रदान गर्ने उद्देश्यले सौन्दर्यकर्मी चीनु गुरुङले आफ्नो कम्पनी गुरुङ ब्युटी एकेडेमी नाममा गुरुङ ब्युटी एकेडेमी जर्नलिज्म अवार्ड स्थापना गरेकी हुन् । दुवै पुरस्कार सञ्चारिका समूह गण्डकी प्रदेशले सञ्चालन गर्दै आएको छ ।
सो अवसरमा उपसभामुख सिर्जना शर्माले पत्रकार महिलाले अवसर पाए राम्रो काम गर्न सक्ने बताइन् । उनले आफ्नो क्षमतामा पनि अभिवृद्धि गर्दै जानुपर्ने सुझाव दिइन् ।
सञ्चारिका समूह गण्डकी प्रदेश अध्यक्ष स्मीता अधिकारीको अध्यक्षतामा भएको कार्यक्रमको सञ्चालन महासचिव कविता श्रेष्ठले गरेकी थिइन् ।
Related News
सम्बन्धित समाचार
लाटोकोसेरो संरक्षक राजु आचार्यलाई बेलायतमा अवार्ड
मधेशका सभामुखको टोली महेन्द्रगुफामा
प्रकटको स्मरणमा फिल्म ‘प्रतिबद्धता’ प्रदर्शन
सिग्देल बन्धु प्रतिष्ठानको केन्द्रीय महाधिवेशन नवलपुरमा
प्रजातन्त्र सेनानी सुवेदीको निधन
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१