पोखरा । सरकारले लकडाउन गरेसँगै गत चैत ११ गतेदेखि सडकमा गाडी चलेनन् । ठप्प सडकमा ट्राफिक जाँच नै भएन तर साउन ७ गतेदेखि लकडाउन केही खुकुलो भयो । सडकमा फाट्टफुट्ट सवारी चल्न सुरु गरे । बजार खुल्न थाले, त्यससँगै होटल, रेस्टुरेन्ट पनि मापदण्ड पूरा गर्दै खुल्न सुरु भयो ।
लकडाउन खुल्यो, बजार खुल्यो, चाडबाड नजिकियो तर कोरोना संक्रमितको दर भने दिनानुदिन बढ्दै थियो । फिल्डमा खटिएका ट्राफिकलाई चेकिङमा समस्या भयो । अझ मापसे चेक गर्नु टाउको दुखाइकै विषय बन्यो । ड्युटीमा खटिसकेपछि काम त गर्नै प¥यो, जेनतेन काम चलिरहेको थियो । पछिल्लो सयम नेपालभरि नै कोरोनाको नयाँ भेरियन्ट देखापरेको छ । यसको प्रभावले तराईका केही जिल्ला हतासमा छन्, कुनै ठाँउमा लकडाउन नै सुरु भइसकेको छ ।
गण्डकी प्रदेशसँगै कास्की जिल्लामा पनि नयाँ भेरियन्टको प्रभाव दिन २ गुना रात चौगुनाको ढंगबाट बढिरहेको छ ।
यसको नियन्त्रणका लागि प्रदेश, जिल्ला र पोखरा महानगर तयारीमै रहँदा जिल्ला ट्राफिक कार्यालय कास्की भने जिम्मेवारीपूर्वक अघि बढिसकेको छ ।
शनिबार जिल्ला ट्राफिक कार्यालयका केही ट्राफिक कर्मचारीहरु फिल्डमै खटिएका थिए । फिल्डमा खटिएका ट्राफिक प्रहरीहरु बाटोमा सवारी रोक्दै मास्क, सेनिटाइजर, भौतिक दूरी र आवश्यक सुरक्षाका सामग्रीका बारे सचेत गराउँदै थिए । कोरोना कहरबीचमा पोहोर सालजस्तो स्थिति नदोहोरियोस् भनेर सजग भएको जिल्ला ट्राफिक प्रहरी कार्यालय कास्कीका प्रहरी नायव निरीक्षक पूर्णबहादुर अधिकारीले जानकारी दिए ।
शनिबार जिल्ला ट्राफिक प्रहरी कार्यालय कास्कीको अग्रसरतामा सवारी चालकलाई सचेत गराइएको छ । कोरोना संक्रमण बढ्दै गएको बेला पोखराको विभिन्न स्थानमा मास्क नलगाई हिंडेका सवारी चालकलाई सचेत गराइएको अधिकारीले बताए । यो अभियान अझै सशक्तरुपमा अघि बढाउने आफूहरुको योजना रहेको उनको भनाइ छ ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१