पोखरा । महिला मानव अधिकार रक्षक सञ्जाल कास्की अध्यक्षमा इन्द्रकुमारी शर्मा निर्वाचित भएकी छन् । पोखरामा सम्पन्न १३ औं साधारण सभा तथा ९ औं अधिवेशनबाट उपाध्यक्षमा केशु भुजेल, सचिवमा शारदा खत्री, सहसचिवमा बिना पुन र कोषाध्यक्षमा भीमा पौडेल सर्वसम्मत चयन भए ।

सञ्जालको सदस्यमा ज्ञानुसरा थापा, मीना थापा, सरस्वती कार्की, प्रमिला श्रेष्ठ, इन्दिरा तिवारी, मिना पाण्डे, मञ्जु नेपाली, नाजवुन निशाखान, शान्ति थापामगर, पवित्रा गुरुङ, रविना श्रेष्ठ, क्षमता खड्का, गुना गुरुङ र इन्दिरा पौडेल चयन भए ।

अधिवेशनको उदघाटनपछि गण्डकी प्रदेशका उपसभामुख सिर्जना शर्माले नेपालका संविधानले महिलाका धेरै अधिकार स्थापित गरेको भन्दै महिलाहरु नै जागरुक हुनुपर्नेमा जोड दिइन् ।