सिर्जना कप भलिबल : शान्ता माविलाई दोहोरो उपाधि

आदर्श समाज सम्वाददाता
चैत्र १३, २०७७
Srijana cup girls

पोखरा। शान्ता मावि, भकुण्डेले तेस्रो सिर्जना कप सामुदायिक मावि छात्रछात्रा भलिबल प्रतियोगितामा दोहोरो उपाधि जितेको छ ।

पोखरा रंगशालामा शुक्रबार फाइनलमा छात्रतर्फ कालिका मावि र छात्रातर्फ अमरसिंह नमुना माविलाई पराजित गर्दै दोहोरो उपाधि जितेको हो । उसले दुवै इभेन्ट्मा नगद ७०÷७० हजार रुपैयाँसहित ट्रफी, मेडल र प्रमाणपत्र प्राप्त ग¥यो ।

शान्ता माविका जीवन सुनार र सुभा राई सर्वोत्कृष्ट खेलाडी घोषित

उसले छात्रतर्फ फाइनलमा कालिका माविलाई ३–१ सेटले हराएको थियो । जसमा २५–१८, १६–२५, २५–२१ र २५–१९ सेट निस्केको हो ।

यस्तै, छात्रातर्फ अमरसिंहको चुनौती २५–२१, २५–११, २१–२५ र २७–२५ सेटमा पाखा लगाएको हो ।

उपविजेता कालिका र अमरसिंहले समान ३५ हजार सहित ट्रफी, मेडल र प्रमाणपत्र प्राप्त गरे ।

छात्रतर्फ मेश्रम वराह मावि घान्द्रुक र छात्रातर्फ जनप्रिय मावि तेस्रो भए ।

मेश्रमले वाराही मावि मालेपाटनलाई तथा छात्रातर्फ जनप्रियले छोरेपाटन मावि पोखरालाई समान ३–१ सेटमा हराउँदै तेस्रो स्थान सुरक्षित पारेका हुन् । उनीहरुले समान २० हजारसहित ट्रफी, मेडल र प्रमाणपत्र प्राप्त गरेका छन् ।

शान्ता माविका जीवन सुनार र सुभा राई सर्वोत्कृष्ट खेलाडी घोषित भए । उनीहरुले जनही ५ हजार पाए । छात्रतर्फ शान्ता माविका विवेक सुनार सेटर, पुस्कर ठगुन्ना ब्लकर, कालिकाका मिलन विक ब्लकर, मेश्रम वराह माविका नीरज धमाल डिफेन्डरमा उत्कृष्ट घोषित भए ।

छात्रातर्फ स्पाइकरमा अमरसिंह माविकी गंगा गुरुङ, सेटरमा शान्ता माविकी पूर्णिमा राई, डिफेन्डरमा शान्ताकै गंगा गुरुङ र सर्भरमा जनप्रिय माविकी विपना पुन घोषित भए । उत्कृष्ट सवैलाई जनही १ थान भलिबल पुरस्कार प्रदान गरिएको छ ।

विजयीलाई राखेप सदस्य राजेशकुमार गुरुङ, आयोजक कास्की जिल्ला भलिबल संघका अध्यक्ष भीम पराजुली, सिर्जना विकास केन्द्रका अध्यक्ष इन्द्रप्रसाद पौडेल, सिर्जना विकास केन्द्रका संस्थापक अध्यक्ष डम्बरबहादुर केसी लगायतले पुरस्कार वितरण गरेका थिए ।

Related News

सम्बन्धित समाचार

    • सत्ता सहमतिमा मन्त्री नै वाधक !

      आदर्श समाज सम्वाददाता असार ६, २०७८
      पोखरा । नेपाली कांग्रेसका कृष्णचन्द्र नेपाली पोखरेलको नेतृत्वमा जेठ २९ मा बनेको सरकारले नीति तथा कार्यक्रम र बजेट ल्याइसकेको छ…
    • निगालोको चोया, जिउने सहारा

      धनबहादुर गुरुङ असार ६, २०७८
      पोखरा । छेवैमा ह्वील चियर विश्राम दिएर चेतबहादुर गुरुङ स्याँखु बुन्दैछन् । गत सातादेखि सुरु गरेको काम सक्नै आँटेका छन्…
    • विश्वासको मतपछि अब मन्त्रिमण्डल पुनर्गठन तयारी

      प्रकाश ढकाल असार ५, २०७८
      पोखरा । गण्डकीका नवनियुक्त मुख्यमन्त्री कृष्णचन्द्र नेपाली पोखरेलले विश्वासको मत पाएका छन् । उनले शुक्रबार राखेको प्रस्तावमा बहुमत सदस्यले पक्षमा मतदान…
    • मुख्यमन्त्री पोखरेलले आज विश्वासको मत लिँदै

      आदर्श समाज सम्वाददाता असार ४, २०७८
      पोखरा । गण्डकी प्रदेशका मुख्यमन्त्री  कृष्णचन्द्र नेपाली पाेखरेलले आज प्रदेश सभामा विश्वासको मत लिँदैछन् । जेठ २९ गते नेपालको संविधान…
    • भाग्दाभाग्दै सासू बुहारी च्यापिए पहिरोमा

      धनबहादुर गुरुङ असार ४, २०७८
      पोखरा । बिहानै ७ बजे घत्रक्क आवाज आयो, झ्यालबाट चिहाउँदा रुखहरु हल्लिएको जस्तो देखिन् । एकैछिनमै म्याग्दी मंगला गाउँपालिका ५…

    hero news full width

    sanil ads

    wordlink ads

    trending post

    ट्रेन्डिङ्ग