नवलपरासी। पूर्वी नवलपरासीको गैंडाकोट ९, मौलाकालिका गेट नजिकै रहेको होटेल ग्रिन फरेष्टबाट जुवा खेलिरहेको अवस्थामा नवलपुर प्रहरीले ८ जनालाई सोमबार नियन्त्रणमा लिएको छ ।

जिल्ला प्रहरी कार्यालय नवलपुरका अनुसार २ लाख २५ हजार रुपैयाँ र १ हजार ६ सय १० भारतीय नोट सहित ८ जनालाई नियन्त्रणमा लिइएको हो ।

प्रहरीले जुवाको खालबाट गैंडाकोट १ का नवराज क्षेत्री, धनिराम गौतम, रमेश प्रजापति, चितवन भरतपुर ९ का अशोककुमार विक, नारायण थापा, मनोजकुमार शाह, रोशन खड्का र पदम लामालाई नियन्त्रणमा लिएको जनाएको छ ।